Add Poetry

کبھی جو میں نے مسرت کا اہتمام کیا

Poet: Khumar Barabankavi By: Jabran, khi
Kabhi Jo Mein Ne Musarrat Ka Ihtimaam Kya

کبھی جو میں نے مسرت کا اہتمام کیا
بڑے تپاک سے غم نے مجھے سلام کیا

ہزار ترک تعلق کا اہتمام کیا
مگر جہاں وہ ملے دل نے اپنا کام کیا

زمانے والوں کے ڈر سے اٹھا نہ ہاتھ مگر
نظر سے اس نے بصد معذرت سلام کیا

کبھی ہنسے کبھی آہیں بھریں کبھی روئے
بقدر مرتبہ ہر غم کا احترام کیا

ہمارے حصے کی مے کام آئے پیاسوں کے
ز راہ خیر گناہ شکست جام کیا

طلوع مہر سے بھی گھر کی تیرگی نہ گھٹی
اک اور شب کٹی یا میں نے دن تمام کیا

دعا یہ ہے نہ ہوں گمراہ ہم سفر میرے
خمارؔ میں نے تو اپنا سفر تمام کیا
 

Rate it:
Views: 1020
08 Aug, 2017
More Khumar Barabankvi Poetry
Popular Poetries
View More Poetries
Famous Poets
View More Poets