Add Poetry

کیا بتائیں اس دل کا حالِ زار کیسا ہے؟

Poet: نویدصدیقی By: نویدصدیقی, Lodhran

کیا بتائیں اس دل کا حالِ زار کیسا ہے؟
کیسی بے بسی ہے یہ ؟اختیار کیسا ہے؟

زخم زخم کرتا ہے وصل میں سخن اس کا
روپ میں محبت کے اس کا پیار کیسا ہے؟

آئینے میں اپنی ہی شکل گر نہیں دیکھی
بے سبب نگاہوں میں پھر خمار کیسا ہے؟

اسوہء محمد پر جوعمل نہیں کرتا
کیسا امتی ہے وہ؟پیروکار کیسا ہے؟

بزمِ دوستاں بھی ہے،رات بھی ،ستارے بھی
"ایسی رونقوں میں وہ سوگوار کیسا ہے؟"

مشکلوں سے گھبرا کر،سوچتا ہوںمیں اکثر
جسم و جاں سے یہ رشتہ برقرار کیسا ہے؟

دل،نوید کہتا ہے،اب نہیں ملے گا وہ
پھر یہ رُت بدلنے کا انتظار کیسا ہے؟

Rate it:
Views: 347
20 Feb, 2014
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets