Add Poetry

گھر دیاں کندھاں اُتے دِسن چھٹاں لال پھوار دیاں

Poet: Munir Niazi By: TARIQ BALOCH, HUB CHOWKI
Ghar Diyan Kandhan Uttar

گھر دیاں کندھاں اُتے دِسن چھٹاں لال پھوار دیاں
ادھی راتی بُوہے کھڑکن ڈیناں چیکاں ماردیاں

سپ وی شُوکر گونجے جیویں گلاں گُجھے پیار دیاں
ایدھر اودھر لُک لُک ہسن شکلاں شہروں پار دیاں

روحاں وانگوں کولوں لنگھن مہکاں باسی ہار دیاں
قبرستان دے رستے دِسن کُوکاں پہرے دار دیاں
 

Rate it:
Views: 1927
19 Nov, 2013
More Punjabi Poetry
Popular Poetries
View More Poetries
Famous Poets
View More Poets