Add Poetry

ہم جو ان ہاتھوں کو مصروف عمل رکھتے ہیں

Poet: شمیم فرحت By: یاسر, Quetta

ہم جو ان ہاتھوں کو مصروف عمل رکھتے ہیں
مسئلے جو بھی ہوں خود سامنے حل رکھتے ہیں

اپنے حصے میں فقط باغ کی محنت آئی
پھول رکھتے ہیں نہ ہم پاس میں پھل رکھتے ہیں

دن کو مفلس ہیں تو کیا رات ہے شاہوں جیسی
ہم بھی خوابوں میں کئی تاج محل رکھتے ہیں

ہم انہیں دیکھ کے جیتے ہیں ستم تو دیکھو
جو ہمیں دیکھ کے پیشانی پہ بل رکھتے ہیں

ہم وہاں درس وفا دیں بھی تو کیا لوگ جہاں
بغض سینوں میں دماغوں میں خلل رکھتے ہیں

آپ کے شعروں میں فرحتؔ غم دوراں کیسا
اہل فن آپ سے امید غزل رکھتے ہیں

Rate it:
Views: 1043
25 Jan, 2022
Related Tags on Urdu Ghazals Poetry
Load More Tags
More Urdu Ghazals Poetry
Popular Poetries
View More Poetries
Famous Poets
View More Poets