 |
|
| عام طور پر جب آپ موبائل چارج کرنے کے لیے لگاتے ہیں، تو چارجر موبائل کو چارج کرنا شروع کر دیتا ہے۔ مگر ایک وقت ایسا بھی آتا ہے کہ یہی چارجر چارج کرنا کم کر دیتا ہے اور پھر بالکل ہی ختم کر دیتا ہے۔ جس سے آپ کو لگتا ہے کہ چارجر خراب ہو گیا ہے۔ |
|
| ایسا اس لیے ہوتا ہے کیونکہ موبائل کے چارجنگ پورٹ میں دھول مٹی جمنا شروع ہو جاتی ہے جس سے چارجر پورٹ تک تو پہنچتا ہے مگر چارج نہیں کر پاتا۔ یہ دھول مٹی دراصل عام جگہوں پر موجود ہوتی ہے، جیسے کہ آپ کے ہینڈ بیگ میں، ٹیبل پر اور ہر وہ جگہ جہاں کھلا ماحول ہو۔ لیکن اس مسئلے کا بھی حل موجود ہے جو آج ہماری ویب آپ کو بتائے گی- |
|
| وہ حل یہ ہے کہ چارجنگ پورٹ کو صاف کرنے کے لیے ایک چھوٹی سی ماچس کی تیلی کو استعمال کر سکتے ہیں، اس کی وجہ یہ ہے کہ تیلی باآسانی چھوٹے سے چارجنگ پورٹ (سوراخ) میں جا سکتی ہے اور دوسری اہم وجہ یہ کہ لکڑی یا پلاسٹک کو ہی پورٹ تک جانے کے لیے استعمال کیا جا سکتا ہے، کیونکہ اس سے آپ کا چارجنگ پورٹ خراب نہیں ہو سکے گی۔ |
|
 |
|
| تیلی پر ٹوتھ پیسٹ لگا کر اسے چارجنگ پورٹ کے اندرونی حصے میں اس طرح ڈالا جا سکتا ہے کہ اس سے پورٹ کو نقصان نہ پہنچے اور پھر آہستہ سے پورٹ کے اندرونی حصے کی صفائی کریں۔ جب آپ تیلی کو اندر ڈالیں گے تو پورٹ پر موجود کچرا باہر آ جائے گا۔ |
|
| جس سے آپ دوبارہ سے چارجنگ کر سکتے ہیں اور دوسرا چارجر بھی نہیں خریدنا پڑے گا۔ |