Zaat ban k meri zaat me raha krta he

Ik shakhs he jo mjh me basa krta he

mery chehry me nazar aata he chehra us ka
uska tabbasum mery honton pe khila krta he

mere lafzon se ada hoti he baatain uski
mere lehje se gharoor us ka chalka krta he

meri neendon pe he barson se hakoomat uski
khwab ban k wo meri palko pe saja krta he

is had tk meri hasti main moujood he wo shakhs
mery har naksh me aks us ka mila krta he

Niklye thy is aas main k mile ga koi na koi
humain b toot kar chahne wala
Dost ek khwaish ne umar bhar ka musafir bna diya

Ye Zindagi Badi Ajeeb Si,
Kabhi Gulzaar Kabhi Bezaar Si,
Kabhi Khushi Hamare Sath Sath,
Kabhi Gamon Ki Barsat Si,
Ye Zindagi Badi Ajeeb Si...
Kabhi Toofan Mein Bhi Hai Raaste,
Kabhi Manzilon Ka Pata Nahi,
Kabhi Do Kadam Pe Zindagi,
Kabhi Sadiyon Tak Intezaar Si,
Ye Zindagi Badi Ajeeb Si...

Kabhi Har Pal Imtihaan Hai,
Kabhi Bin Maange Inaam Hai,
Kabhi Kuch Nahi,
Kabhi Sab Kuch Si
Ye Zindagi Badi Ajeeb Si,
Kabhi Gulzaar Si Kabhi Bezaar Si...

Mere Wajood Ki Mujh Mein Talash Chhod Gaya,
Jo Puri Na Ho Kabhi Aisi Aas Chhod Gaya,

Wo Chahaton Ki Talab Mann Ki Pyaas Chhod Gaya,
Mujhe Bana Ke Wo Ek Zinda Laash Chhod Gaya,

Yehi Karam Nawazi Uski Mujh Pe Kaam Hai Kiya,
Ke Khud To Door Hai Yaadein To Paas Chhod Gaya,

Jo Khwahishein Thi Kabhi Hasraton Mein Dhal Gayi Ab,
Mere Labon Mein Wo Ek Lafz "KAASH" Chhod Gaya,

Ye Mera Zarf Hai Ek Roz Usne Mujhse Kaha,
Ke Aam Logon Mein Ek Tujhko Khaas Chhod Gaya,

Baharon Se Mujhe Isi Liye To Nafrat Hai,
Inhi Raaton Mein Mujhe Wo Udaas Chhod Gaya,

Ghum Bade Aate Hai Qaatil Ki Nigahon Ki Tarah,
Tum Chhipa Lo Mujhe Aye Dost Gunahon Ki Tarah,

Apni Nazron Mein Gunehgaar Na Hote, Kyon Kar
Dil Hi Dushman Hai Mujrimon Ke Gawahon Ki Tarah,

Har Taraf Zeest Ki Raahon Mein Kadi Dhoop Hai Dost,
Bas Teri Yaad Ke Saaye Hai Panahon Ki Tarah,

Jinki Khatir Kabhi Ilzaam Uthaye,
Wo Bhi Pesh Aye Hai Insaaf Ke Shaahon Ki Tarah...

Dost Kya Khoob Wafaon Ka Sila Dete Hain,
Har Naye Mod Par Ek Zakhm Naya Dete Hain,

Tum Se To Khair Ghadi Bhar Ki Mulakat Rahi,
Log Barson Ki Rafakat Ko Bhula Dete Hain,

Kaise Mumkin Hai Ke Dhuwan Bhi Na Ho Aur Dil Bhi Jale,
*** Padti Hai To Patthar Bhi Sada Dete Hain,

Kaun Hota Hai Musibat Mein Kisika Aye Sanam,
Aag Lagti Hai To Patte Bhi Hawa Dete Hain,

Jinpe Hota Hai Bahut Dilka Bharosa Jane Kyon,
WaQt Padne Pe Wohi Log Daga Dete Hain...

Azeem Hai Ye Qurbat Ki Dooriyan Bhi,
Saath Reh Kar Bhi Usko Na Pana Kaisa Lagta Hai,

Qismat Mein Nahi Phir Bhi Usko Chahte Hai,
Phool Samajh Kar Kaanton Par Chalna Kaisa Lagta Hai...

Ab To Mehfil Mein Bhi Hamare Liye Tanhayi Hai,
Gam Chhupa Kar Mehfil Ko Sajana Kaisa Lagta Hai,

Mehfil Mein Dusron Se Hans Hans Kar Milte Hai,
Tanhayi Mein Gam Ke Aansu Bahana Kaisa Lagta Hai...

Samajhne Par Bhi Samajhta Nahi Hai Ye Dil,
Uski Yaad Mein Raaton Ko Jagna Kaisa Lagta Hai,

Uski Berukhi Ne Itne Diye Hai Zakham Ke,
Zakham Kha Kar Bhi Muskurana Kaisa Lagta Hai...

Jab Wo Hans Hans Kar Baat Karein Dusron Se,
Tab Apne Ansoon Ko Chhupana Kaisa Lagta Hai,

Usse Kho Kar To Mere Paas Raha Kuch Bhi Nahi,
Phir Bhi Khudko Ameer Batana Kaisa Lagta Hai...

Khud Ko Anmol Samajhne Ka Tha Bada Ghamand,
Phir Bhi Be-Mol Bik Jana Kaisa Lagta Hai,

Khaye Hai Dhoke Mohabbat Mein Itne Ke
Phir Bhi Isko Chahna Kaisa Lagta Hai...

Malum Hai Is Deewane Ki Manzil Nahi Hai Koi,
Phir Bhi Safar Karte Rehna Kaisa Lagta Hai,

Wo To Aa Kar Bhi Kab Ke Jaa Chuke Hai,
Phir Bhi Iska Intezaar Karte Rehna Kaisa Lagta Hai...

Palkon Pe Aansuon Ko Sajaya Na Jaa Saka,
Usko Bhi Dil Ka Haal Bataya Na Jaa Saka,

Zakhmon Se Choor Choor Tha Ye Dil Mera,
Ek Zakham Bhi Usko Dikhaya Na Jaa Saka,

Jab Teri Yaad Aayi To Koshish Ke Bawajood,
Aankhon Mein Aansuon Ko Chhupaya Na Jaa Saka,

Kuch Log Zindagi Mein Aise Bhi Aaye Hain,
Jinko Kisi Bhi Lamhe Bhulaya Na Jaa Saka,

Bas Is Khayal Se Kahin Usko Dukh Na Ho,
Humse To Haal-E-Gam Bhi Sunaya Na Jaa Saka,

Wo Muskuraya Tha Mere Ru-Ba-Ru Magar
Chehre Ka Rang Usse Chhupaya Na Jaa Saka,

Tanhaiyon Ki Aag Mein Hum Jal Gaye,
Magar Faasla Jo Darmiya Tha Mitaya Na Jaa Saka..

Tere Firaaq k lamhe shumar karte hoye,
Bikhar gaye hain Tera Intizaar karte hoye


To Main b Khush hoon koi us se ja k keh de,
Agar wo Khush hai Mujhe Be-Qarar karte hoye

Main Muskurata hua Aaine mein ubhrunga,
Wo Ro parega Achanak Singhaar karte hoye


Tujhe Khabar hi nahi Toot gaya hai koi,
Mohabbat ko boht Paaidar karte hoye

Wo Keh rahi thi Samandar nahin hai Aankhon mein,
Main un mein Doob gaya Aitbaar karte hoye

Ab Ke Mausam....
Na Hi Kisi Rukh Se Roshni Hui,
Na Koi Chirag Larza,
Na Koi Sitara Chamka,
Na Hi Koi Phool Khila Is Dil Mein...

Ab Ke Mausam....
Na Koi Rang Dikhaya Heena Ne,
Na Hawa Se Aanchal Sarsaraya,
Na Hi Kisi Khwab Se Ulajh Kar Chhudiyan Chhanki,

Ab Ke Mausam....
Na Kisi Aankh Mein Simat Kar Chand Hi Muskuraya,
Na In Baharon Ne Koi Geet Hi Sunaya,
Theher Gayi Kaayenaat Is Dard Ki Aagosh Mein,
Aur Bhigte Chale Gaye Hum Aansuon Ki Barish Mein....
Ab Ke Mausam.....

maine dekha tha un dino mien usse
jab wo khiltay gulab jesa tha
uski palkoon se neend chanti thi
us ka lahja sharab jesa tha
us ki zulfoon se bhegti thi ghatta
us ka rukh mahtaab jesa tha
log parhtay thay khal o khad us ke
wo adab ki kitab jesa tha
bolta tha zaban khushbu ki
log suntay thay dharkanooon mien usse
mien dekha tha un dino mien usse
sari ankhien thein aainay uske
saray chahroon mien intekhab tha wo
ye haqeqat hai ke koi khawab tha wo
sab se ghul mil ker ajnabi rahna
ek dariya numa serab tha wo
meri neendien bhi uski nazr hoein
meine paya tha ratjagoon mein usse
meine dekha tha un dino mien usse
jab wo hans hans ke raat karta tha
dil ke khemay mein raat karta tha
rang parhtay thay aanchaloon mien usse
miene dekha tha un dino mien usse
ye magar daer ki kahani hai
ye magar daer ka fasana hai
abh us ke aur mere milaap ke haail
sadiyon bhara zamana hai
abh ke haal apna bhi dasht e hijra ki shaam jesa hai
najanay in dino wo kesa hoga??
men dekha tha un dino mein usse

Main to Mar k Bhi Bazm-E-Wafa Main ZINDA hoon
**GHALIB**
Talash Kar Meri MEHFIL Mera Mazaar Na Poch…!

Wabasta teri Hayaat Se Sabi Silsilay Hai Magar
Meri Zindgi Hai Mukhtasir teri Mohabbat K Liye!!

Tere Jane Ka Sabab Nahi Poochen Ge Hum
Magar Le Jana Apni Yaden Bhi Jane Se Pehle

Tumhein Meri Mohabbat Ki Kasam Sach Sach Bata Dena..
Gale Main Daal Kar Baahain, Manana Kiss se Seekha Hai

Tujh Ko Maloom Bhi Hai Kitna Talabgar Hoon Tera…
Pooch Un Farishton Se Jo Roz Likhte Hain Duaein Meri..

ZINDAGI MILI ZRA SI THI

KUCH IS MAIN KAMI ZRA SI THI

WO ROZ HOTA GYA PAS MERE,

LEKIN PHIR B DOORI ZRA SI THI

CHAND JAGTE JAGTE SO B GYA

RAAT ABI BEETI ZRA SI THI

MOHABAT BANT DI US NE ZMANE ME

JO MERE HISEY ME AI ZARA SI THI.

Apne dil ka dard batayain kiss ko,
Kaun kya bhool gaya hai yaad dilaaye kiss ko,
Ruth jaate to manana dushwaar naa tha,
Jab wo tallukh hi naa rakhe to manain kiss ko.

Na Jane Kia Mujh Se ZAMANA Chahta Hai
Mera Dil Tor K Mujhay Hansana Chahta Hai
Na Jane Kya Bat Jhalakti Hai Mera Chahre Se
Har Shakhs Mujhe AZMANA Chahta Hai…

Isi Karz Ko Ada Krne K Wasty Hum Saari Raat Nahi Sote
K Shayad Koi Jaag Raha Ho Is Duniya Main Mere Liye