موبائل استعمال کرتے دوران یا پھر چارجنگ کے وقت اکثر بہت زیادہ گرم ہوجاتا ہے اور ہاتھ بھی لگانے کا دل نہیں چاہتا ہے- مندرجہ ذیل میں موبائل گرم ہونے کی وجوہات اور اسے ٹھنڈا کرنے کے طریقوں کا ذکر کیا گیا ہے- امید کرتے ہیں کہ ان طریقوں پر عمل کر کےآپ لوگ اپنے قیمتی موبائل کو گرم ہونے سے بچانے اور اس کی پرفارمنس کو بہتر کرنے میں کامیاب ہوں گے۔۔۔
1: بیک گراؤنڈ ایپس
ہم بیک وقت بہت سی ایپلیکیشنز کا استعمال کررہے ہوتے ہیں اور تمام ہی ایک کے بعد ایک بیک گراؤنڈ میں فعال رہتی ہیں ۔ اس وجہ سے موبائل میں گرمائش آجاتی ہے اور وہ گرم ہوتا ہے۔
2: گیم زیادہ کھیلتے ہیں؟
گیم زیادہ کھیلنے کی وجہ سے موبائل گرم ہونے لگتا ہے کیونکہ اس وقت موبائل تیزی سے کام کررہا ہوتا ہے جو کہ اس کے سوفٹ وئیر اور موبائل کی بیٹری پر اثرانداز ہوتا ہے۔
3: ویڈیو چل رہی ہے؟
ویڈیو اگر کوئی آپ دیکھتے ہیں تو اس سے موبائل کی اسکرین اور اسپیکر دونوں ایک وقت میں کام کرتے ہیں یہ بھی ایک وجہ ہے کہ موبائل گرم ہونے لگتا ہے۔
4: چارج پر بھی استعمال کرتے ہیں
فون کو چارجنگ کے دوران استعمال کرنا نقصان دہ ہے اس سے موبائل پھٹ بھی سکتا ہے کیونکہ اس میں سے شعاعوں کا اخراج ہوتا ہے- چارجنگ کے دوران اس لئے موبائل گرم ہوجاتا ہے اور بتدریج اس کی گرماہٹ میں اضافہ ہوتا رہتا ہے۔
| 
