کیا موبائل میں فٹ ہونے والا ہر چارجر آپ کے فون کے لئے ٹھیک ہے؟ کہیں اِس سے آپ کا موبائل خراب تو نہیں ہوتا؟

ہر اسمارٹ فون، ٹیبلیٹ اور لیپ ٹاپ کا اپنا چارجر ہوتا ہے جبکہ کئی افراد بعض اوقات چارجنگ کے لیے اپنے دوست احباب کے لیپ ٹاپ یا موبائل کا چارجر بھی استعمال کر لیتے ہیں۔ لیکن یہ ان کے فون کے لئے انتہائی نقصان دہ ثابت ہو سکتا ہے۔

مائیکرو یو ایس بی چارجر جو کہ برسوں سے اسمارٹ فونز اور ٹیبلیٹس میں استعمال ہورہے ہیں، یہی وجہ ہے کہ لگ بھگ ہر اینڈرائیڈ فون کی کیبل دوسرے میں کام کرنے لگتی ہے۔

اگر ہم کبھی مجبوری میں کسی دوسرے ڈیوائس کا چارجر استعمال کر بھی لیں تو اسے روزانہ کی بنیاد پر نہ کریں۔

اس کی سب سے بڑی وجہ یہ ہے کہ ہر کمپنی کے فون کے اندر ایک مخصوص چپ ہوتی ہے جو کہ متعدد افعال کے لیے ضروری ہوتی ہے اور اسے کسی غلط کیبل سے نقصان پہنچ سکتا ہے جس کے نتیجے میں فون کے فیچرز متاثر ہوسکتے ہیں۔