غلطی سے ڈیلیٹ میسج کو واپس کیسے حاصل کریں؟ واٹس ایپ کا وہ خفیہ فیچر جس کی مدد سے آپ بھی بچ سکتے ہیں

اکثر صارفین موبائل فون پر واٹس ایپ کا استعمال کرتے ہوئے اس بات کا دھیان رکھتے ہیں کہ کوئی ایسا میسج نہ چلا جائے جو بعدازاں ان کے لیے مشکل کھڑی کر دے۔ لیکن آج آپ کی اس مشکل کو بھی آسان بنانے کے لیے ایک ایسے ہی فیچر کے بارے میں بتائیں گے جو کہ اگرچہ مختلف ہے، مگر پُر اثر ضرور ہے۔ واٹس ایپ کی جانب سے صارفین کی مشکلات کو حل کرنے کے لیے آئے روز کوئی ایسا فیچر ضرور متعارف کرایا جاتا ہے، جو کہ صارفین کی آسانی کا باعث بنے۔ ایک ایسا ہی فیچر سب کی توجہ حاصل کر رہا ہے، جس میں صارفین اب ڈیلیٹ شدہ میسج کو دوبارہ ان ڈو کر سکتے ہیں۔ اکثر اوقات جب آپ جلد بازی میں کوئی میسج ڈیلیٹ کرتے ہیں، تو اسی دوران ڈیلیٹ فار ایوری ون کے بجائے ڈیلیٹ فار می کر دیتے ہیں، جس کی وجہ سے وہ میسج صرف آپ کے پاس سی ہی ڈیلیٹ ہوتا ہے، لیکن اب صارفین کی آسانی کے لیے واٹس ایپ نے حل نکال ہی لیا ہے۔ واٹس ایپ کی جانب سے ان ڈو کا فیچر متعارف کرایا گیا ہے، جس کے تحت آپ کا ڈیلیٹ فار می والا آپشن واپس نے ریورس ہو پائے گا۔ جس کی مدد سے آپ میسج کو واپس ڈیلیٹ فار ایوری ون کر سکتے ہیں۔ جیسے ہی آپ میسج ڈیلیٹ فار می کریں گے تو ساتھ ہی نیچے کی طرف ایک نوٹیفیکیشن آئے گا، جو بتائے گا کہ آپ اس عمل کو ان ڈو کر سکتے ہیں، ان ڈو پر کلک کر کے آپ کا ڈیلیٹ فار می میسج واپس سے نظر آ جائے گا، جس کے بعد آپ ڈیلیٹ فار ایوری ون کر دیں۔