موبائل فون کی خفیہ جگہ بھی مشکل میں ڈال سکتی ہے۔۔ انٹرنیٹ کی اسپیڈ بڑھانے کے 4 آسان طریقے، جو آپ بھی جاننا چاہیں گے

انٹرنیٹ استعمال کرنے والے صارفین اس بات کو لے کر پریشان ہو جاتے ہیں، کہ ان کی ڈیوائس یا راؤٹر سست روی کا شکار کیوں ہے یا انٹرنیٹ کی رفتار سست کیوں ہو گئی ہے۔ آج آپ کو چند ایسی ہی وجوہات کے بارے میں بتائیں گے جن کی وجہ سے انٹرنیٹ سست روی کا شکار ہو سکتا ہے۔ اکثر موبائل فون صارفین ایک راؤٹر پر کئی ڈیوائس کنیکٹ کر لیتے ہیں، جس کی وجہ سے اس راؤٹر پر دباؤ آجاتا ہے۔ ایک راؤٹر یا نیٹ ورک پر اگر آپ کے پڑوسی، دوست، خود آپ کے گھر کے 3 سے زائد افراد جڑے ہوئے ہیں، تو اس سے رفتار بھی بٹ جاتی ہے، ہر ایک کو سہولت فراہم کرنے کے چکر میں رفتار کئی بار شدید سست روی کا شکار ہو جاتی ہے۔ اکثر انٹرنیٹ راؤٹر کو اس مقام پر رکھا جاتا ہے، جہاں آوت جاوت نہ ہو، تاکہ کوئی چھیڑ چھاڑ بھی نہ کر سکے، لیکن کئی بار یہ عمل بھی سگنلز کو ڈھونڈنے میں مشکل پیدا کر سکتا ہے۔ یہی وجہ ہے کہ زمین پر، دیوار کے سہارے یا پھر دروازے کے پیچھے رکھنے کے بجائے راؤٹر کو ایسی جگہ رکھا جائے جہاں سگنلز کی دشواری پیدا نہ ہو۔ اس سب میں آپ یہ بات بالکل نہیں بھولیے گا، کہ آپ کا موبائل فون کس نیٹ ورک سے کنیکٹ ہے، کیونکہ عام طور پر نیٹ ورک بھی سلو ہوتا ہے، جس کی وجہ سے آپ کا کام تو متاثر ہوتا ہی ہے، ساتھ ہی پیسے بھی ضائع ہو رہے ہوتے ہیں۔ دوسری جانب ایک اہم وجہ یہ بھی ہو سکتی ہے آپ کا موبائل فون ہی سست ہو گیا ہو، کیونکہ جب صارف کئی ایپس ڈاؤنلوڈ کرتا ہے، تو اس سے فون کا ہارڈ وئیر سست ہو جاتا ہے، جس کی وجہ سے مجموعی طور پر کام سست روی کا شکار ہو جاتا ہے۔