ہواوے اسمارٹ فون، صارفین کو فکرمند ہونے کی ضرورت نہیں

صارفین کو اپنے ہواوے اسمارٹ فون ڈیوائس کے حوالے سے فکرمند ہونے کی ضرورت نہیں

گزشتہ چند دنوں سے ہواوے اور امریکی حکومت کے درمیان تعلقات کے حوالے سے بہت سی خبریں گردش کرتی رہی ہیں۔ کسی بھی اہم معاملہ کی طرح، اس تنازعہ کے حوالے سے بھی بہت سی غلط فہمیاں اور غیرمصدّقہ معلومات پھیلائی گئی ہیں۔ ہواوے جدید ٹیکنالوجی پر مبنی فونز اور آلات کی صنعت میں دنیا کے وسیع ترین اداروں میں دوسرے نمبر پر پہنچ چکا ہے، جبکہ پاکستان میں بھی کاروبار اور مقبولیت کے اعتبار سے ہواوے کو ایسا ہی اعلیٰ مقام حاصل ہے ۔

وسیع پیمانے پر تحقیق کے ذریعے، ہواوے نے عوامی سطح پر اٹھنے والے چند اہم ترین سوالات اور غلط فہمیوں کو دور کرنے کا فیصلہ کیا ہے ۔آن لائن ، ڈیجیٹل میڈیا پر اٹھائے جانے والے اعتراضات، ماہرین کی رائے اور مصدّقہ اطّلاعات کی روشنی میں عوام کو جوابات اور تسلّی دینے کے لئے ، کچھ راہنما اصول ترتیب دیئے گئے ہیں، تاکہ صارفین کے ذہنوں میں ہواوے فونز کے بارے میں جو بھی سوالات اور اندیشے پیدا ہو رہے ہیں، انہیں بر وقت حل کر دیا جائے۔

ٓآپ کے ہواوے فون بند نہیں ہوں گے
ہواوئے فونز استعمال کرنے والے صارفین بہت غیر یقینی کا شکار رہے، کیونکہ عوام میں یہ جھوٹی افوہیں پھیلائی گئیں کہ؛ہواوئے کے تمام فون کام کرنا بند کر دیں گے۔یہ یقیناً ایک جھوٹی خبر ہے۔ہم آپ کو باضابطہ یقین دہانی کرواتے ہیں کہ آپ کا فون ہمیشہ کی طرح دیگر فونز سے زیادہ بہتر کارکردگی کا مظاہرہ کرتا رہے گا۔ ہواوے کی جانب سے آپ کے فون کی دیکھ بھال اور مرمّت کی سہولیات بھی برقرار رہیں گی۔ ہواوے نے عوامی سطح پر اعلان کرتے ہوئے کہا ہے کہ ہواوے کی جانب سے صارفین کو سیکیورٹی اپ ڈیٹس دئیے جانے کا سلسلہ باقاعدگی سے جاری رہے گا، جبکہ ہواوے کے عام خریداروں سمیت ، آنر Honor اسمارٹ فونز اور ٹیبلیٹ مصنوعات کے حامل صارفین کو بھی بعد از فروخت سروس کی فراہمی جاری رہے گی۔ یہ سہولیات ان تمام مصنوعات پر فراہم کی جائیں گی ، جن کو صارفین خرید چکے ہیں، یا جو دنیا بھر میں ہواوے کی ملکیت (Stock) میں موجود ہیں۔


آپ کے فون پر باقاعدگی سے اپ ڈیٹس موصول ہوتی رہیں گی
ٰایسے تمام فونز جو ہواوے کی جانب سے فراہم کئے جا چکے ہیں، ان سب میں اینڈرائیڈ کے حوالہ سے سیکیورٹی اپ ڈیٹس ، اور گوگل پلے اسٹور کی جانب سے ایپلی کیشنز کے اپ ڈیٹس موصول ہوتے رہیں گے۔حال ہی میں، گوگل کے ترجمان کی جانب سے بھی مندرجہ ذیل عزم کا اظہار کیا گیا ہے:
" ہم تمام احکامات کی تعمیل کرتے ہوئے اس صورتحال کے اثرات کا جائزہ لے رہے ہیں۔ہواوے کی تمام موجودہ ڈیوائسز میں، ہماری سروسز کے صارفین کے لئے ، گوگل پلے کی سہولیات اور گوگل پلے پروٹیکٹ کی جانب سے حفاظتی سیکیورٹی کی فراہمی کا عمل مسلسل جاری رہے گا ۔

گوگل کے اس عزم سے ظاہر ہوتا ہے کہ ہواوے کی موجودہ ڈیوائیسز کو سیکیورٹی اپ ڈیٹس کی فراہمی جاری رکھی جائے گی، اور مستقبل قریب میں ان مصنوعات کو پلے اسٹور تک رسائی بھی حاصل رہے گی۔کیونکہ گوگل کا وعدہ ہے کہ ہواوے کے موجودہ صارفین کو تنہا نہیں چھوڑا جائے گا ، یعنی ان کے لئے بنیادی سہولیات تک رسائی کو قائم رکھا جائے گا۔

ہواوے دنیا کا ایک وسیع ترین ادارہ ہے اور اینڈرائڈ کے سب سے بڑے شراکت داروں میں سے ایک ہے
آپ جب ہواوے سے کوئی بھی مصنوعات خریدتے ہیں، تو آپ اینڈرائیڈ کے سب سے بڑے شراکت دار پر اعتماد کر رہے ہوتے ہیں۔ لہٰذا ہواوے اپنی تمام مصنوعات کو مکمل سہولیات ،ہر فون کی زندگی تک ،مسلسل فراہم کرتا رہے گا۔

یہاں یہ حقیقت بھی قابل ذکر ہے کہ اس اعلانیہ کے بعد بھی ہواوے نے اپنے نئے فونز متعارف کروانے کا سلسلہ جاری رکھا ہوا ہے۔ حال ہی میں ہواوے نے اپنا جدید ترین ماڈل آنر Honor 20 بھی عالمی سطح پر متعارف کروایا ہے، جبکہ ہواوے کی جانب سےY سیریز کا ایک نیا فون بھی عالمی سطح پر متعارف کروانے کے لئے بالکل تیار ہے۔ اس کا مطلب ہے کہ ہواوے کو اپنی مصنوعات پر مکمل اعتماد ہے اور اپنے صارفین کی بھرپور معاونت کرنے کا عزم رکھتا ہے ۔ اس بات سے قطع نظر کہ ، حالیہ تنازعہ کے کیا منفی یا مثبت نتائج سامنے آتے ہیں؟