سال 2020 کے کم قیمت والے بہترین اسمارٹ فون

آج کل کے اس دور میں اسمارٹ فون ہر کسی شخص کی بنیادی ضرورت ہے، یہ ایک ایسی چیز ہے جس کے بغیر لوگ رہنا تصور نہیں کر سکتے۔ ہر شخص چاہتا ہے کہ وہ ایسا اسمارٹ فون خریدے جس کی قیمت بھی کم ہو اور اس میں خصوصیات بھی بہترین ہوں۔ آج کل کے دور میں نا صرف بڑی عمر کے افراد بلکہ بچے بھی موبائل فون کا استعمال کر رہے ہیں۔

آج ہم آپ کو سال 2020 کے کم قیمت والے بہترین اسمارٹ فون کے بارے میں بتانے جارہے ہیں جو مارکیٹ میں دستیاب بھی ہیں۔

OPPO A5S - (20,999)
اوپو اے 5 ایس ان فون میں سے ایک ہے جو بہترین کوالٹی والا کم قیمت کا فون ہے۔ فون کی خصوصیات کے حوالے سے بات کی جائے تو اوپو اے 5 ایس کی اسکرین 6.2 انچ ہے۔ فون کی بیٹری پاور 4,230 ایم اے ایچ ہے جو کہ دیرپا استعمال کے لئے بہترین ہے۔ اس کے علاوہ فون انٹرنل میموری 32 اور 64 جی بی میں دستیاب ہے۔ فون کا سیلفی کیمرہ 8 میگا پکسل کا ہے جبکہ مین کیمروں کی تعداد دو ہے جو 13 اور 2 میگا پکسل کے ہیں۔ اس فون کی ناصرف خصوصیات بہترین ہیں بلکہ یہ ایک انتہائی دِلکش دِکھنے والا فون ہے۔

VIVO Y11 - (22,999)
ویوو وائی 11 کی قیمت بھی اس میں موجود خصوصیات کے مطابق کم ہے۔ اس فون میں انتہائی طاقتور بیٹری نصب کی گئی ہے جس کی پاور 5,000 ایم اے ایچ ہے۔ اس فون کے بیک کیمرے بھی دو ہیں جو 13 اور 2 میگا پکسل کے ہیں جبکہ فون کا سیلفی کیمرہ 8 میگا پکسل کا ہے ۔ فون کا ڈسپلے 6.35 انچ ہے۔

HUAWEI Y6S - (20,899)
ہواوے کے اسمارٹ فونز ہمیشہ ہی بہترین فیچرز کے ساتھ مارکیٹ میں متعارف کروائے جاتے ہیں۔ بہترین کارکردگی والے ان فونز میں ہر جدید فیچر ہوتا ہے۔ ہواوے وہ موبائل کمپنی ہے جس کے پاس ہر طرح کی قیمت والے فون ہوتے ہیں۔ ہواوے نے حال ہی میں ایک اسمارٹ فون متعارف کروایا ہے جس کا نام وائی 6 ایس ہے۔ فون میں موجود خصوصیات کو دیکھا جائے تو اِس کی قیمت انتہائی کم ہے۔ فون کا بیک کیمرہ 13 میگا پکسل کا ہے جبکہ سیلفی کیمرہ 8 میگا پکسل ہے جو اِس قیمت میں بہت اچھا ہے۔ فون کا ڈسپلے 09۔6 انچ ہے جو کہ آرام سے واضح تصاویر دِکھا سکتا ہے۔ فون کی میموری کے حوالے سے بات کی جائے تو فون کی انٹرنل اسٹوریج 64 جی بی ہے جبکہ ریم 3 جی بی ہے۔ فون کی بیٹری پاور 3,020 ایم اے ایچ ہے جو کہ مکمل چارج کرنے کے بعد آپ کا ایک دِن آرام سے گزار سکتی ہے۔

TECNO CAMON 12 AIR - (19،499)
ٹیکنو کے اس فون کی اسکرین 5۔6 انچ ہے۔ بیٹری کے حوالے سے بات کی جائے تو فون کی بیٹری پاور 4000 ایم اے ایچ ہے۔ اس فون میں ٹوٹل چار کیمرے ہیں۔ بیک پر تین کیمرے موجود ہیں جو 16، 5 اور 2 میگا پکسل کے ہیں۔ فون کا سیلفی کیمرہ 8 میگا پکسل کا ہے۔ ٹیکنو کیمون 12 ائیر کی انٹرنل اسٹوریج 64 جی بی ہے۔ فون میں فنگر پرنٹ سنسر بھی موجود ہے۔

XIAOMI REDMI 8A - (16,499)
شاؤمی کا یہ فون بہترین خصوصیات کا حامل ہے، فون کا ڈسپلے سائز 6.2 انچ ہے جبکہ فون میں طاقتور بیٹری 5000 ایم اے ایچ پاور کی نصب کی گئی ہے۔ یہ ایک انتہائی کم قیمت کا فون ہے، فون کی انٹرنل اسٹوریج 32 جی بی ہے۔ کیمروں کے حوالے سے بات کی جائے تو فون کا بیک کیمرہ 12 میگا پکسل کا ہے جبکہ سیلفی کیمرہ 8 میگا پکسل کا ہے۔