ویوو کا بڑا اعلان، vivo V70 5G کے لیے عاطف اسلم دوبارہ برانڈ ایمبیسیڈر منتخب
 لاہور، پاکستان | 26 فروری 2026 ویوونے عالمی شہرت یافتہ گلوکار عاطف اسلم کے ساتھ اپنی کامیاب شراکت داری کو جاری رکھنے کا اعلان کیا ہے۔ عاطف اسلم ایک بار پھر آنے والے vivo V70 5Gکے آفیشل برانڈ ایمبیسیڈر کے طور پر واپس آ رہے ہیں۔ گزشتہ مہم کی شاندار کامیابی کے بعد یہ شراکت داری ویوو کے اس عزم کی عکاسی کرتی ہے کہ وہ اپنے صارفین میں تخلیقی صلاحیت، باہمی رابطے اور اپنے خیالات کے اظہار کو فروغ دیتا رہے۔ یہ شراکت داری پاکستان بھر میں صارفین کے ساتھ بھرپور انداز میں جڑی رہی جس میں جدید اسمارٹ فون کو عاطف اسلم کی شخصیت اور مداحوں سے ان کے گہرے تعلق کے ساتھ جوڑا گیا۔ اس مہم نے V سیریز کی جدید امیجنگ، پریمیم ڈیزائن اور لائف اسٹائل پر مشتمل تجربات کو مؤثر انداز میں اجاگر کیا جس سے نوجوان اور تخلیقی صارفین کے درمیان ویوو کی مضبوط پوزیشن مزید مستحکم ہوئی۔ ویوو کے ڈائریکٹر برانڈ اسٹریٹیجی محمد زُہیر چوہان کا کہناہے:عاطف اسلم کے ساتھ ہماری شراکت داری نے ویوو V سیریز کو ان صارفین سے جوڑنے میں اہم کردار ادا کیا ہے جو تخلیقی صلاحیت، اصلیت اور جدت کو اہمیت دیتے ہیں۔ ہمیں خوشی ہے کہ ہم عاطف اسلم کے ساتھ اس سفر کو جاری رکھتے ہوئے اپنے صارفین کے تجربے کو مزید بہتر بنا رہے ہیں۔ vivo V70 5G کی متوقع لانچ کے ساتھ ویوو اس رفتار کو برقرار رکھتے ہوئے V سیریز کے لیے ایک نیا وژن پیش کرنے کا ارادہ رکھتا ہے جس میں جدت اور اسٹائل کو یکجا کیا جائے گا۔ عاطف اسلم کا بطور برانڈ ایمبیسیڈر برقرار رہنا ویوو اور اس کی بڑھتی ہوئی کمیونٹی کے درمیان اعتماد، تسلسل اور تخلیقی سفر کی مشترکہ علامت ہے۔ عاطف اسلم نے بھی اس شراکت داری پر اپنے خیالات کا اظہار کرتے ہوئے کہا:مجھے ویوو کے ساتھ اپنی وابستگی جاری رکھنے اور آنے والے vivo V70 5G کے سفر کا حصہ بننے پر بے حد خوشی ہے۔ گزشتہ مہم کو ملنے والا ردعمل واقعی شاندار تھا اور یہ دیکھ کر خوشی ہوتی ہے کہ برانڈ کس طرح جدت کے نئے معیار قائم کر رہا ہے۔ vivo V70 5Gجدید امیجنگ، دلکش ڈیزائن اور طاقتور کارکردگی فراہم کرنے کا وعدہ کرتا ہے۔ ZEISS کے اشتراک سے تیار کردہ اس فون میں 50 میگا پکسل ZEISS سپر ٹیلی فوٹو کیمرہ شامل ہے جو صارفین کو زندگی کے یادگار لمحات کو واضح اور معیار کے ساتھ محفوظ کرنے کی صلاحیت فراہم کرتا ہے۔ |
Total Views: 365