کراچی انتظامیہ کی جانب سے ہالز کی مسماری کی وجہ سے میرج ہالز ایسوسی ایشن نے عیدالاضحیٰ کے بعد کراچی بھر کے شادی ہالز بند رکھنے کا اعلان کر دیا ہے۔
تفصیلات کے مطابق جہاں شادی ہالز مالکان نے عید کے بعد احتجاج کا اعلان کیا وہیں میرج ہالز ایسوسی ایشن نے بھی عید کے بعد کراچی کے تمام شادی ہالز بند کرنے کا اعلامیہ جاری کردیا ہے۔
اس سے پہلے شادی ہال ایسوسی ایشن ریسکیو راحت کے صدر نے خبردار کیا تھا کہ اگر شادی ہالز کو مسمار کرنے کا سلسلہ نہ روکا گیا اور حکومت نے فیصلے پر نظر ثانی نہ کی تو احتجاج کا دائرہ مزید وسیع کیا جائے گا۔
احتجاج کی حکمت عملی بتاتے ہوئے رانا رئیس نے کہا کہ پہلے مرحلے میں شہر بھر میں شادیوں کا مکمل بائیکاٹ ہوگا، جو پورے سندھ میں پھیل جائے گا اور اس میں سندھ کی شادیوں کے مقامات کی بندش بھی شامل ہے۔
میرج ہالز ایسوسی ایشن کے صدر کا مزید کہنا تھا کہ انتظامیہ کے اس اقدام کے خلاف شادی ہال مالکان میں شدید غم و غصہ پایا جاتا ہے۔ انہوں نے سابق صدر آصف علی زرداری اور بلاول بھٹو زرداری سے بھی صورتحال کا نوٹس لینے کا مطالبہ کیا۔