وزیر اعلیٰ خیبر پختونخوا نے صوبے بھر میں زیر التوا 1 لاکھ 17 ہزار سے زائد ڈرائیونگ لائسنس کارڈز کی پرنٹنگ اور ترسیل ایک ماہ کے اندر مکمل کرنے کا حکم دے دیا ہے۔ اس سلسلے میں محکمہ ٹرانسپورٹ نے ضلعی بنیادوں پر شیڈول جاری کر دیا ہے تاکہ ہر ڈویژن میں طے شدہ تاریخوں کے مطابق کارڈز کی فراہمی یقینی بنائی جا سکے۔
اعلامیے کے مطابق ہزارہ ڈویژن میں ڈرائیونگ لائسنس کارڈز جنوری 2026 کے پہلے ہفتے میں، مالاکنڈ ڈویژن میں سوات، دیر اور بونیر کے کارڈز جنوری 2026 کے وسط تک فراہم کیے جائیں گے۔ پشاور ڈویژن میں کارڈز کی ترسیل 23 سے 26 جنوری، کوہاٹ ڈویژن میں 29 جنوری، جبکہ بنوں، مردان اور ڈی آئی خان ڈویژن میں 30 جنوری 2026 تک مکمل ہوگی۔
وزیر اعلیٰ کے ترجمان سہیل آفریدی نے کہا کہ عوامی خدمات کی فراہمی موجودہ حکومت کی اولین ترجیح ہے اور کسی قسم کی کوتاہی برداشت نہیں کی جائے گی۔