وفاقی آئینی عدالت نے وزیر زراعت بلوچستان علی حسن زہری کو نااہل قرار دیتے ہوئے ڈی سیٹ کردیا۔
چیف جسٹس امین الدین کی سربراہی میں تین رکنی بینچ نے بلوچستان اسمبلی کے حلقہ 21 کی انتخابی عذرداری کا فیصلہ 29 جنوری کو محفوظ کیا تھا جو آج سنا دیا گیا۔
وفاقی آئینی عدالت نے بلوچستان عوامی پارٹی کے صالح بھوتانی کی درخواست منظور کرتے ہوئے پی بی 21 سے انہیں کامیاب قرار دے دیا۔
پاکستان پیپلز پارٹی کے امیدوار علی حسن زہری کی درخواست پر دوبارہ گنتی کا حکم دیا گیا تھا۔
صالح بھوتانی نے الیکشن کمیشن کا فیصلہ چیلنج کر رکھا تھا۔
یاد رہے کہ علی حسن زہری نے گذشتہ روز وزیراعلیٰ بلوچستان سرفراز بگٹی کو اپنا استعفیٰ بھجوا دیا تھا۔