پاکستان اور ویسٹ انڈیز کے درمیان کوئینز پارک کرکٹ کلب میں کھیلے جا رہے چار روزہ پریکٹس میچ کے دوسرے دن کا کھیل ختم ہو گیا ہے۔ بارش کے باعث تاخیر کا شکار ہونے والے دوسرے دن کے اختتام پر پاکستان نے 137 اوورز میں 4 وکٹوں کے نقصان پر 455 رنز بنا لیے ہیں۔
اس سے قبل پاکستان نے میچ کے پہلے روز 60.4 اوورز میں 2 وکٹوں کے نقصان پر 184 رنز بنائے تھے۔ دوسرے دن کے کھیل کے دوران بابر اعظم اور اذان اویس 100، 100 رنز بنا کر ریٹائرڈ آؤٹ ہوئے، جبکہ عبداللہ فضل بھی 50 رنز کی اننگز کھیل کر ریٹائرڈ ہوئے۔
ٹیم کی دیگر اننگز میں شان مسعود 70، سلمان علی آغا 46، عامر جمال 22 اور امام الحق 10 رنز بنا کر آؤٹ ہوئے۔ دن کا کھیل ختم ہونے پر محمد رضوان 42 رنز کے ساتھ ناٹ آؤٹ کریز پر موجود ہیں۔