کراچی۔۔۔۔ ثانوی تعلیمی بورڈ کراچی کے چیئرمین پروفیسر ڈاکٹر سعید الدین نے سال 2017کے سیکنڈری اسکول سرٹیفکیٹ پارٹ ون (جماعت نہم)سائنس و جنرل گروپ ریگولر کے انرولمنٹ جاری کرنے کا اعلان کر دیا ہے۔
تمام الحاق شدہ تعلیمی اداروں کے سربراہان سے کہا گیا ہے کہ وہ3اپریل سےاپنے
اتھارٹی لیٹر کے ساتھ بورڈ آفس میں متعلقہ سیکشن سے اپنے انرولمنٹ حاصل کر سکتے
ہیں ۔بعد ازاں میٹرک بورڈ سے الحاق شدہ اسکولوں کی رجسٹریشن 2017-18اور نئے اسکولوں
کی رجسٹریشن کیلئے درخواست فارم جمع کرانے کا شیڈول بھی جاری کر دیاگیا ہے۔ تفصیلات
کے مطابق میٹرک بورڈ کےچیئرمین نے اسکولوں کے سربراہان سے کہا ہے کہ وہ فارم بورڈ
آفس کے متعلقہ سیکشن سے سیکرٹری بورڈ کے نام فارم کی قیمت کی مالیت کے پے آرڈر کے
ذریعے حاصل کر کے 3اپریل سے 30اگست 2017تک بغیر لیٹ فیس کے اپنے اتھارٹی لیٹر اور
شناختی کارڈ کی فوٹو کاپی کے ساتھ جمع کروا سکتے ہیں۔ اس ضمن میں واضح کیا گیا ہے
کہ 30اگست کے بعد شیڈول کے مطابق لیٹ فیس کے ساتھ فارم وصول کئے جائیں گے اور لیٹ
فیس کی وصولی کی تاریخ میں کسی بھی قسم کی توسیع نہیں کی جائے گی۔