ثانوی تعلیمی بورڈ کے تحت نویں جماعت مطالعہ پاکستان کا پرچہ25اپریل منگل کو معمول کے مطابق ہو گا۔ تفصیلات کے مطابق چیئرمین میٹرک بورڈ ڈاکٹر سعید الدین نے کہا ہے کہ شب معراج کے باعث اسکولوں میں تعطیلات ہونے کے باوجود امتحان شیڈول کے مطابق ہی ہو گا۔
بعد ازاں نویں اور دسویں سائنس وجنرل گروپ کے سالانہ عملی امتحانات
2017شروع کرنے کا اعلان بھی کر دیا گیا ہے ، چیئرمین میٹرک بورڈ نے بتایا کہ 5مئی
2017 سے شیڈول کے مطابق عملی امتحانات ہوں گے۔انہوں نے کہا کہ اسکولوں کے سربراہان
یا ان کے نمائندے اپنے شناختی کارڈ کی کاپی، آفس کارڈ اور اتھارٹی لیٹر کے ہمراہ
امتحانی سامان 26اپریل سے صبح9:30 بجے سے شام 5بجے تک میٹرک بورڈ کے ریسرچ سیکشن
گراؤنڈ فلور بلاک B سے متعلقہ تاریخوں میں حاصل کر سکتے ہیں۔ تفصیلات کے
مطابق26اپریل کو نیو کراچی، نارتھ ناظم آباد، گلبرگ، لیاقت آباد۔27اپریل کوجمشید
ٹاؤن، گلشن اقبال۔28اپریل کوکورنگی، لانڈھی، شاہ فیصل، ملیر، گڈاپ، بن قاسم۔29اپریل
کو لیاری، صدر، کیماڑی جبکہ 30اپریل کو اورنگی ٹاؤن، سائٹ اور بلدیہ جاری کئے جائیں
گے۔