وہ کہتے ہیں نہ حادثہ یا بیماری تو ایک بہانہ ہے، موت تو ایک دن سب کو آنی ہے۔ مگر اس بات کو تسلیم کرنا بہت مشکل ہو جاتا ہے جب اچانک آپ کا کوئی اپنا اس دنیا سے چلا جائے۔
ایک خبر کے مطابق بھارتی شہر ممبئی سے تعلق رکھنے والی 18 سالہ لڑکی نے دانت برش کرتے ہوئے، ٹوتھ پیسٹ کی جگہ چوہے مار کریم لگا کر دانتوں کو صاف کرلیا، جس کے نتیجے میں وہ اس دنیا سے رخصت ہوگئی۔
دراصل 3 ستمبر کی صبح کو مذکورہ لڑکی افسانہ خان معمول کی طرح اپنے دانت صاف کرنے کیلئے اٹھی جہاں نیند کی غنودگی میں ٹوتھ پیسٹ کی جگہ چوہے مارنے کی زہریلی کریم کا استعمال کرلیا۔ تاہم جب مذکورہ لڑکی کے منہ میں ذائقہ اور بو محسوس ہوئی تو اس نے فوراً اسے اپنے منہ سے تھوک دیا۔ اور اپنے منہ کو اچھی طرح صاف کرکے روزانہ معمول کے مطابق کام سے چلی گئی۔ لیکن کچھ دیر بعد اسکے پیٹ میں شدید در محسوس ہوا اور چکر آنے لگے۔
جبکہ گھر والوں کی ڈانٹ کے ڈر سے لڑکی نے کچھ دوائیں استعمال کیں، لیکن حالات بہتر ہونے کے بجائے مزید خراب ہوگئے۔ بعد ازاں طبعیت زیادہ خراب ہونے پر لڑکی نے اپنے گھر والوں کو سارا واقعہ بیان کیا۔ تاہم مذکورہ لڑکی کو مختلف اسپتالوں میں لے جایا گیا، لیکن طبعیت میں بہتری نہ آسکی۔
بعد ازاں 12 ستمبر کے دن لڑکی کو اسپتال میں منتقل کیا گیا، جہاں ڈاکٹروں نے اسے بچانے کی کوشش کی لیکن مذکورہ لڑکی جانبر نہ ہوسکی۔
تاہم پولیس کی جانب سے ابتدائی رپورٹ درج کرلی گئی ہے، جبکہ پولیس کا کہنا ہے کہ مزید تفتیش جاری ہے۔