جہاز میں سفر کرنا ہر شخص کی خواہش ہوتی ہے لیکن کیا آپ جانتے ہیں کہ جہاز کے باتھ روم ہمارے عام باتھ روم سے کافی مختلف ہوتے ہیں جس کی وجہ کم جگہ میں ہر چیز کا خیال رکھنا ہوتا ہے۔ جہاز کے باتھ روم چھوٹے مگر اسمارٹ ہوتے ہیں۔ آئیے ہم آپ کو ان کی تفصیل بتاتے ہیں۔
کموڈ کور
جہاز میں کموڈ کور کے نام سے ایک ایسا کور بھی موجود ہوتا ہے جو ٹشو جیسا ہوتا ہے۔ اس کو کموڈ استعمال کرنے سے پہلے اس کے اوپر بچھایا جاتا ہے۔ استعمال کے بعد کور کو پھینک دیا جاتا ہے۔ اس کا مقصد لوگوں کی صحت کی حفاظت اور انھیں جراثیم سے بچانا ہوتا ہے کیوں کہ جہاز میں دنیا کے مختلف کونوں سے آئے مسافر موجود ہوتے ہیں جو اپنے ساتھ مختلف جراثیم بھی لاتے ہیں۔ یہ کور ان جراثیم سے بچنے میں لوگوں کی مدد کرتا ہے۔
مختلف لڈز کا مقصد اور ان کا استعمال
دروانے کا لاک بہت جدید قسم کا ہوتا ہے اس میں ناب کو ایک جانب سے دوسری جانب کر کے دروازہ لاک کیا جاتا ہے۔ اس کے علاوہ ٹوائلٹ کی سیٹس میں مختلف قسم کے ڈھکن ہوتے ہیں۔ ایک ڈھکن تو کموڈ کو کھولنے اور بند کرنے کا ہوتا ہے۔ جب کے اس کے نیچے ایک اور لڈ ہوتی ہے جسے احتیاطاً استعمال کیا جاسکتا ہے۔
باتھ روم میں گلاس کیوں ہوتا ہے؟
شاید آپ بھی باتھ روم میں گلاس دیکھ کر حیرت میں مبتلا ہوجائی تو ہم آپ کو پہلے ہی بتا دیں کہ یہ گلاس پانی پینے کے لئے نہیں بلکہ رفع حاجت کے لئے رکھے جاتے ہیں۔ عام طور پر جہاز میں اس مقصد کے لئے ٹشو پیپر رکھے جاتے ہیں مگر مسلم کمیونٹی اور دیگر کچھ کمیونٹیز کے لوگوں کو پانی کی ضرورت ہوتی ہے جن کی وجہ سے یہ ڈسپوزیبل گلاس وہاں رکھے جاتے ہیں۔
نل میں بٹن
نل کے اوپر بٹن موجود ہوتے ہیں جس میں سرخ رنگ کا مطلب گرم پانی کا بٹن اور نیلے رنگ کا بٹن ٹھنڈے پانی کے لئے ہوتا ہے۔ پانی ان بٹنز کو دبانے کے علاوہ نل کے نیچے ہاتھ رکھنے سے بھی آنے لگتا ہے۔