“مجھے سب سے پہلے اپنا وطن عزیز ہے، مجھے ہرگز علم نہ تھا کہ جاوید اختر صاحب نے فیض صاحب کے فیسٹیول سیشن میں میرے ملک کے بارے میں جو باتیں کیں۔ میں ان کہے ہوئے الفاظ کی مذمت کرتی ہوں۔ ہم روایات کی پاسداری کرتے ہوئے مہمان کو رب کی رحمت سمجھتے ہیں مگر پاکستان کو دل جاں سے عزیز رکھتے ہیں“
یہ کہا ہے پاکستانی اداکارہ ریشم کا جو جاوید اختر کے حالیہ دورے میں پاکستان مخالف بیان دینے پر کافی غصے میں ہیں۔ چند روز قبل لاہور میں منعقد ہونے والے فیض فیسٹیول میں شریک بھارت سے آئے مشہور شاعر جاوید اختر نے پاکستان کے خلاف متنازع بیان دیا ہے جس پر پاکستان کی شوبز شخصیات بہت غصے میں ہیں۔
اداکار اعجاز اسلم اپنے انسٹاگرام اکاؤنٹ پر اسٹوری شئیر کرتے ہوئے لکھتے ہیں کہ “مسٹر جاوید اختر کیا آپ کشمیر ک موضوع پر بات کرنا پسند کریں گے؟ آپ کو پاکستان سے اتنی نفرت ہے تو یہاں آنا ہی نہیں چاہیے تھا۔ ہم پھر بھی آپ کی باحفاظت اپنے وطن واپسی کو یقینی بنانا چاہتے ہیں۔ ہمارے پاس آپ کی بکواس کا یہی جواب ہے۔
نور نے بھی جاوید اختر کے بیان کی مذمت کرتے ہوئے ان پاکستانی شوبز شخصیات پر تنقید کی جو ان کے لاہور آنے پر ان کے قدموں میں جابیٹھے تھے۔