دنیا کے رئیس ترین شخص مکیش امبانی ویسے تو کافی بڑے دل کے شخص ہیں اور جہاں بات ہو ان کی لاڈلی بیٹی کی پھر تو کیا ہی کہنے۔ حال ہی میں مکیش امبانی کی بیٹی ایشا امبانی کی بچپن کی سہیلی اور مشہور بالی وڈ ادکارہ کیارا ایڈوانی کی شادی ہوئی جس میں لڑکی والوں کی جانب سے شریک مکیش امبانی نے دلہا دلہن کو ایسا انوکھا تحفہ دیا جس سے سدھارتھ اور کیارا کروڑوں کمائیں گے۔

شادی کا انوکھا تحفہ

مکیش امبانی نے اپنی چہیتی بیٹی کی دوست کیارا اور سدھارتھ کو اپنی کمپنی Reliance Trends Footwear کا نیا برانڈ ایمبیسیڈر بنادیا ہے۔ برانڈ نے خود بھی اس جوڑے کو برانڈ ایمبیسیڈر بنانے کی اطلاع دی ہے۔

کیارا اور سدھارتھ کے ساتھ مکیش امبانی کا بھی فائدہ

ریلائنس ریٹیل لمیٹڈ کے فیشن اور لائف اسٹائل کے صدر اور سی ای او اکھلیش پرساد کا کہنا ہے کہ 'کیارا اڈوانی اور سدھارتھ ملہوترا بالی ووڈ کے دو سب سے مقبول اور باصلاحیت یوتھ آئیکن ہیں۔ جن کی بہت زیادہ مداح ہیں۔ انہیں برانڈ ایمبیسیڈر بنانے سے نوجوانوں کے ساتھ ہمارا رشتہ مضبوط ہوگا۔' ساتھ ہی کیارا اور سدھارتھ کے ساتھ مکیش امبانی خود بھی کروڑوں کما سکیں گے۔