اشتہارات جب تک پُرکشش نہ ہوں لوگ چیزوں کی جانب متوجہ نہیں ہوتے ہیں چاہے کتنی ہی اچھی ارو اہم چیز ہو جب تک اس کا شتہار ٹی وی پر مختلف جگہوں پر دکھایا نہ جائے لوگوں میں اس کو خریدنے کا شوق زیادہ نہیں ہوتا مگر کچھ ایسی بھی چیزیں ہیں جن کو ہمیں خریدنا تو نہیں ہوتا ہے البتہ اپنے کاروبار کی مشہوری کے لیے بنائے گئے ایسے اشتہارات جو پاکستان اور خصوصاً کراچی کے لوگوں
کے لیے ہنسی کا باعث بن گئے ہیں۔
عامل بنگالی:
عامل بنگالی کو تو شاید اب پوری دنیا اس کے نام سے ہی جانتی ہوگی۔ جتنے جادو انہوں نے کیے ہیں شاید کسی نے دنیا میں کیے ہوں ۔۔ یہ ایک مزاحیہ سے بابا ہر دیوار پر اپنا اشتہار لگائے رکھتے ہیں نہ جانے یہ حضرت کون ہیں؟ ویسے اگر آپ کو بھی پسند کی شادی کرنی ہے لیکن گھر والے نہیں مان رہے تو ایک ناکام کوشش اس عامل بنگالی کے نمبر پر کال کرکے آزمائی جا سکتی ہے اس سے یا تو آپ کا بیلنس ضائع ہوگا یا پھر بابا کی کرامات ۔۔
مردانہ کمزوری:
مردانہ کمزوری بھی پوشیدہ بیماری ہے۔ ویسے تو ہمارے معاشرے میں ہر دوسرا مرد اس بیماری کو چھپانے پر غور کرتا ہے اور بیویوں کو بانجھ کہلانے پر زور دیتے ہیں مگر خود اپنی خامیوں کو ظاہر نہیں کرتے البتہ ہر دیوار پر اس مرض کی کمزوری کا علاج موجود ہے۔ ایسا لگتا ہے جیسے شاید ہر تیسرے مرد کو اس دوا کی ضرورت ہے ۔۔
بواسیر:
بواسیر ایک پوشیدہ لیکن تکلیف دہ مرض ہے جس کو لوگوں کو بتانے میں بھی شرم آتی ہے اور ظاہر ہے ہر بیماری کا تذکرہ نہیں کیا جاتا لیکن پاکستان میں تو ہر دیوار کے پاس اس مرض کا علاج موجود ہے۔
زخمی جوتوں پر اشتہار
اگر آپ کے جوتے بھی زخمی ہوگئے ہیں یعنی پھٹ کر خراب ہوگئے ہیں تو آپ نے گھبرانا نہیں ہے۔ تجربہ کار موچی آپ کی خدمت کے لیے حاضر ہے۔
صرف کنوارے افراد مرغی لے جائیں؟
یہ اشتہار پڑھ کر یوں لگ رہا ہے کہ اس دکان پر صرف کنوارے افراد کے لیے مرغی کا گوشت دستیاب ہے۔ آپ نے کبھی اس طرح اشتہار کہیں دیکھا ہے؟
آپ کو کونسا اشتہار زیادہ ہنساتا ہے؟ ہمیں کمنٹ سیکشن میں ضرور بتائیے گا ۔۔