“اپنے اللہ اور اس کائنات کے قریب ہونے جارہی ہوں۔ میں بہت خوش ہوں کہ یہ موقع ملا کہ میں اگلے 2 ہفتوں کے لئے نہ تو سوشل میڈیا استعمال کروں گی نہ چائے کافی پیوں گہ۔ کسی سے رابطہ نہیں رکھوں گی نہ ہی میک استعمال جروں گی۔ یہاں تک کہ تصویر اور ویڈیو بھی نہیں بناؤں گی“
یہ کہنا ہے معروف اداکارہ اور ماڈل عائشہ عمر کا جنھوں نے اپنے انسٹاگرام اکاؤنٹ پر 2 ہفتوں کے لئے سوشل میڈیا سے دوری استعمال کرنے کی اسٹوری شئیر کی ہے۔ عائشہ کا کہنا ہے کہ وہ اس تمام عرصے میں صاف اور کم غذا کھائیں گی، مطالعہ کریں گہ، سوچیں گی اور کائنات کے خالق سے قریب ہو کر گزاریں گی۔
عائشہ نے مزید لکھا کہ ان کے بارے میں جو بھی بات کرنی ہو فی الحال ان کی والدہ سے کی جائے کیونکہ وہ آج رات سے اگلے 2 ہفتوں کے لئے تارک الدنیا ہورہی ہیں۔ عائشہ نے امید ظاہر کی ہے کہ جب وہ دو ہفتوں بعد واپس آئیں گی تو ان میں بہت سی اچھی عادتیں پیدا ہوچکی ہوں گی۔