پیرس۔10مئی (اے پی پی):فرانس کے دارالحکومت پیرس کے ایک پولیس سٹیشن میں مشتبہ شخص نے ہتھیار چھیننے کے بعد 2 پولیس اہلکاروں پر فائرنگ کر دی جس کے نتیجہ میں اہلکار شدید زخمی ہو گئے۔
اے ایف پی کے مطابق پولیس اہلکار مشتبہ شخص کو گرفتار کرنے کے بعداس کی تلاشی لے رہے تھے کہ اس دوران اس نے ایک اہلکار سے ہتھیار چھین کر ان پر فائرنگ کر دی۔رپورٹ کے مطابق یہ واقعہ فرانسیسی دارالحکومت کے 13 ویں ضلع میں جمعرات اور جمعہ کی درمیانی رات ساڑھے10بجے کے قریب پیش آیا ۔ دونوں پولیس اہلکاروں کو انتہائی نگہداشت کے یونٹ میں رکھا گیا ہے۔