ایف آئی اے امیگریشن نے جعلی دستاویزات پر پاکستان میں داخل ہونے والے 5 افغان مسافروں کو ڈیپورٹ کردیا۔
طورخم بارڈر پر کی گئی کارروائی کے دوران ڈیپورٹ کیے جانے والے مسافروں میں خاتون بھی شامل تھی۔ مسافروں کی شناخت فیصل، ہاشم عمرخیل، زرق حبیب اللہ، ولی اور خاتون موزلیفہ گجر کے نام سے ہوئی، تمام مسافروں کا تعلق افغانستان سے ہے۔
خاتون موزلیفہ گجر، فیصل اور ہاشم عمرخیل نامی مسافروں نے اپنے ہمشکل کے پاسپورٹ پر پاکستان میں داخل ہونے کی کوشش کی جبکہ مسافر زرق حبیب اللہ کے پاسپورٹ پر جعلی امیگریشن اسٹمپ لگی ہوئی تھی، ولی نامی مسافر کے پاس کسی قسم کی سفری دستاویزات موجود نہیں تھی، تمام مسافروں کو واپس افغانستان ڈیپورٹ کردیا گیا۔