کریلا ایک ایسی سبزی ہے جو زیادہ تر لوگوں کو پسند نہیں ہوتی ہے کیونکہ اس کا ذائقہ کڑوا ہوتا ہے۔ لیکن اس کڑوی سبزی کے بےشمار فائدے ہیں۔ جن کو جاننے کے بعد یقیناً آپ کریلے کو استعمال کرنے پر مجبور ہوجائیں گے۔ کریلے کی پیداوار پورے سال نہیں ہوتی یہ صرف گرمیوں کے موسم میں دستیاب ہوتا ہے۔ طبی ماہرین کا کہنا ہے کہ کریلا انسان کو کئی بیماریوں سے بچاتا ہے۔ آج ہم آپ کو کریلے کے فوائد بتاتے ہیں جس کے بعد آپ اس کا استعمال یقینی بنالیں گے۔
شوگر کنٹرول
شوگر کے مریضوں کے لیے کریلا سب سے بہترین غذا ہے۔ اگر آپ شوگر کے مرض سے بچنا چاہتے ہیں یا شوگر کنٹرول کرنا چاہتے ہیں تو روزانہ ایک کپ کریلے کا جوس نکال کر پئیں ۔
گردوں میں پتھری
گردوں میں پتھری مریض کو شدید تکلیف میں مبتلا کردیتی ہے۔ طبی ماہرین کے مطابق کریلے کا جوس گردے سے پتھری نکالنے کا باعث بنتا ہے ۔
وزن میں کمی
کریلے میں کیلوریز کی مقدار کم پائی جاتی ہے۔ اس لیے اگر آپ اپنے بڑھتے ہوئے وزن سے پریشان ہیں تو کریلے کا استعمال شروع کردیں
نوٹ : یہ ایک عام معلومات ہے مزید معلومات کے لیے ڈاکٹر سے رجوع کریں۔