گرمی کے موسم میں یا مشقت زیادہ کرنے کی وجہ سے پسینہ تو لازمی آتا ہے، لیکن پسینے کی بدبو سب سے زیادہ کراہت آنے لگتی ہے اور محفل میں اگر بیٹھے ہوں تو خاصا معیوب لگنے لگتا ہے۔
اور پسینہ دراصل ہمارے جسم میں موجود کیسٹرول اور چکنائی کے اخراج کا ایک اہم ذریعہ ہے اور ایک قدرتی عمل بھی ہے اس کی وجہ سے جسم ٹھنڈا بھی رہتا ہے۔
بیکنگ سوڈا آپ کے کچن میں موجود ہے تو سمجھیں اس مسئلے کا بھی آسانی سے حل مل گیا ہے آپ کو۔ جانیں کیسے بیکنگ سوڈا آپ کے پسینے کی بو کو دور کرسکتا ہے۔
٭ نہانے کے پانی میں تھوڑا سا بیکنگ سوڈا ڈال کر جسم کو اچھی طرح دھو لیں، اس طرح روزانہ نہانے سے پسینہ کنٹرول میں آسکتا ہے اور یوں بدبو بھی نہیں پھیلے گی۔
٭ 2 چائے کے چمچ بیکنگ سوڈا، ایک چائے کا چمچ نمک، ایک چائے کا چمچ چینی اور ایک لیٹر پانی کو مکس کرلیں۔ ناشتے کے بعد ایک کپ پی لیں اس سے فائدہ ہوسکتا ہے۔
٭ ٹیلکم پاؤڈر میں بیکنگ سوڈا مکس کرکے بغلوں میں لگانے سے بھی پسینے کی بو میں کمی آئے گی۔
٭ روزانہ نہائیں اور جسم کی صفائی رکھیں اس سے بھی بڑا فرق پڑتا ہے۔