خوشبو دار سونف ہمارے لئے کسی تحفے سے کم نہیں ہے کیونکہ یہ چھوٹے چھوٹے دانے ہماری صحت کے لئے اتنے مفید ہیں اس کا ہمیں اندازہ بھی نہیں ہے۔
ہم سب سونف کھاتے ہیں مگر اس کو صحیح طریقے سے نہیں کھاتے اسی وجہ سے اس کے فوائد کو نہیں جان پاتے۔
آج جانیں کس طرح سونف کو کھانا چاہیئے تاکہ آپ بھی اس کے فوائد سے مستفید ہوسکیں:
• سونف کو بازار سے لانے کے بعد سب سے پہلے تو اسے کسی ململ کے کپڑے میں رکھ کر اچھی طرح ملیں اور اس کے بعد سونف کو چھننی میں ڈال کر چھان لیں۔
• روزانہ رات کو دو چمچ سونف بھگو کر سوجائیں اور صبح نہارمنہ اس پانی کو پی لیں اور سونف چپا لیں اس سے پیٹ کے اندرونی مسائل سمیت پیٹ کے کیڑے بھی مر جائیں گے۔
• سونف رنگ دار بھی ملتی ہے بازار میں لیکن اس کو کھانے سے پرہیز کریں اس میں بازاری کلر ملا ہوا ہوتا ہے جو جسم کے لئے مناسب نہیں۔
• سونف کو ایک پیالی نیم گرم دودھ میں ڈال کر مکس کرکے پی لینے سے جگر صحیح رہتا ہے۔
• سونف کو ہر وقت کھانا بہتر نہیں ہے اس لیئے دن میں دو مرتبہ استعمال کریں۔
• اگر منہ میں چھالے آگئے ہیں تو ٹھنڈے پانی میں سونف ڈال کر پی لیں۔
• اگر سونف کو توے پر بھون کر کھانا پسند کرتے ہیں تو دو منٹ سے زیادہ نہ پکائیں ورنہ اس کے فوائد زائل ہوجاتے ہیں۔
• مرد حضرات سونف کو الائچی کے ساتھ استعمال کرستے ہیں یہ ان کے لیئے بہتر ہے۔
• کسی بھی ٹحنڈے مشروب کے ساتھ سونف کو استعمال نہ کریں۔
• رات کو سونے سے ایک گھنٹے پہلے تک ہی کھائیں بلکل سوتے وقت اس کو نہ کھائیں۔
• منہ سے بدبو آتی ہے تو دانت صاف کرنے کے بعد سونف کے غرارے کرلیں۔