خواتین کو ہارمونز کے مسائل ہمیشہ سے ہی درپیش ہیں جن کا خیال نہ رکھا جائے تو وہ آگے چل کر مختلف بیماریوں کی شکل اختیار کرلیتے ہیں، اسلیئے آج ہم لائے ہیں بیجوں سے خواتین کے ہارمونز کو متوازن کرنے کا ایک قدرتی علاج جس سے ان کے بہت سارے مسئلے حل ہو سکتے ہیں۔
پہلے ہم آپکو بتا دیتے ہیں کہ وہ کون سے بیج ہیں اور ان کے استعمال سے آپ کو کیا فائدہ ہوگا۔
السی کے بیج، کدو کے بیج، سفید تل کے بیج اور سورج مکھی کے بیج۔ یہ بیج ریگولر پیریڈز، بانجھ پن، بچہ دانی میں ورم، حیض کا رک جانا، اور پی سی اوز جیسی مختلف بیماریوں، تکلیفوں اور مسائل سے بچانے میں مدد فراہم کرتے ہیں۔
استعمال کیسے کرنا ہے؟
حیض کے پہلے دن سے لے کر اگلے چودہ دنوں تک روزانہ ایک چمچ السی کے بیج اور ایک چمچ کدو کے بیج کھانے چاہیئے، السی کے بیجوں میں موجود مادہ غدود بنانے کے مرحلے میں ضرورت کے مطابق ایسٹروجن کی سطح کو منظم کرنے میں مدد کرتے ہیں۔ اور کدو کے بیجوں میں موجود زِنک اگلی بار کیلیئے اس مرحلے کو تیار کرتا ہے۔
چودہویں دن سے لے کے اٹھائیسویں دن تک ایک چمچ تِل کے بیج اور ایک چمچ سورج مکھی کے بیج کھانے چاہیئے، تِل کے بیج میں شامل پولیفینول ایسٹروجن کی سطح کو بہت زیادہ بڑھنے سے روکتا ہے۔ اور سورج مکھی کے بیج میں موجود وٹامن ای پروجیسٹرون لیول کو بڑھانے میں مدد کرتا ہے۔
اگر انتیسویں دن آپ کو پیریڈز نہیں آتے تو آپ السی اور کدو کے بیج کو دوبارہ لینا شروع کردیں، جب تک کہ آپکو پیریڈز نہ آجائیں۔ اور اسکے بعد اس سائیکل کو جاری رکھیں۔
یہ عمل چار سے چھ مہینے لگاتار کرنے سے خواتین کو درپیش ہر طرح کے ہارمونل ایشوز جسیے کہ پیریڈز نہ آنا، بانجھ پن کا خطرہ، پی سی اوز کے مسائل وغیرہ قدرتی طور پر حل ہوجائیں گے۔ یہ سب سے آسان اور محفوظ طریقہ ہے۔