اکثر کپڑے سلواؤ تو ایسا ہوتا ہے کہ قمیض تو فٹنگ میں بن جاتی ہے لیکن آستین ڈھیلی ہو جاتی ہے جس کی وجہ سے ڈریس کا سارا لُک خراب ہوجاتا ہے۔ اور زیادہ تر ہم کپڑے ٹرائے ہی اسی وقت کرتے ہیں جب اگلے دن پہننے ہوں، تب ڈریس کو دوبارہ ٹھیک کروانے بھیجنا مشکل ہوجاتا ہے اور پھر آخر میں ہمیں ایسے ہی گزارہ کرنا پڑتا ہے۔
اگر آپ کے ساتھ بھی ایسا مسئلہ اکثر اوقات پیش آتا ہے یا کبھی آجائے تو اس کے لیئے ہمارے پاس ایک آسان ٹپ ہے، جس کی مدد سے آپ کو نہ تو قمیض کھلوانے کی ضرورت ہے اور نہ ہی دوبارہ سلائی لگوانے کی۔ تو آئیے جانتے ہیں کیا ہے وہ ٹپ؛
آستین فٹ کرنے کا طریقہ:
۔ آپ کو یہ ٹپ آزمانے کیلیئے صرف ٹچ بٹن اور سوئی دھاگے کی ضرورت ہوگی
۔ آپ کو کرنا یہ ہے کہ سوئی دھاگے کی مدد سے آستین کے دونوں اطراف ٹچ بٹن لائن سے ٹانک دیں
۔ اب جب آپ ان بٹنز کو بند کرنا شروع کریں گی تو آستین خود ہی فٹ ہوتی چلی جائے گی
۔ طریقہ کار کو مزید اچھے سے سمجھنے کیلیئے نیچے دی گئی ویڈیو دیکھیں