Aziz Tar Wo Mujhy Rakhta

Aziz-tar Wo Mujhy Rakhta Tha Rag-e-Jaan Se,, Ye Baat Sach Hai Mera Baap Kam Na Tha Maa Se.. Wo Maa K Kehny Pe Kuch Roab Mujh Pe Rakhta Tha, Yehi Waja Hai Mujhy Chumty Jhijhakta Tha,, Wo Ashna Mere Her Karb Se Raha Her Dam, Jo Khul K Ji Nahi Paya Magar Jhijhakta Tha,, Juri Thi Uski Her Ik Haan Faqat Meri Haan Se,, Ye Baat Sach Hai Mera Baap Kam Na Tha Maa Se..! Her Ik Dard Wo Chupchap Khud Pe Sehta Tha, Tamam Umr Wo Apno Se Kat K Rehta Tha, Wo Lot'ta Tha Kahin Raat Ko, Din Bhar, Wujud Uska Pasiny Me Dhal K Behta Tha,, Gilay Thy Phir Bhi Mujhy Aisy Chaak-Daman Se,, Ye Baat Sach Hai Mera Baap Kam Na Tha Maa Se..! Purana Suit Wo Pehanta Tha, Kam Wo Khata Tha, Magar Khilony Mere Sab Khareed Lata Tha, Wo Mujh Ko Soye Huwe Dekhta Tha Ji Bhar K, Na Jany Soch K Kiya Kiya Wo Muskurata Tha,, Mere Baghair Thy Sab Khuwab Us K Veeran Se,, Ye Baat Sach Hai Mera Baap Kam Na Tha Maa Se..!