رویت ہلال کمیٹی کے چئیرمین مفتی منیب الرحمن کی جانب سے صدقہ فطر اور روزے کے فدیے کی کم از کم شرح 100 روپے مقرر کی گئی ہے-
چئیرمین رویت ہلال کمیٹی مفتی منیب الرحمن کا کہنا ہے کہ صدقہ فطر اور فدیہ اپنی
مالی حیثیت کے مطابق ادا کرنا چاہیے تاہم صدقہ فطر اور فدیہ کی کم از کم شرح 100
روپے فی کس مقرر کی گئی ہے۔ مفتی منیب کے مطابق کہ گندم کے حساب سے صدقہ فطر 100
روپے ہے جبکہ جو کے حساب سے 240 روپے، کھجور اور کشمش کے نصاب سے صدقہ فطر کی شرح
1600 روپے فی کس بنتی ہے۔
چیرمین رویت ہلال کمیٹی کا مزید کہنا تھا کہ روزے کا فدیہ جو کے نصاب سے 7200 روپے
جب کہ کھجور اور کشمش کے نصاب سے 48 ہزار روپے ہے۔ روزہ نہ رکھنے کا کفارہ 60
مساکین کو کھانا کھلانا ہے یا اس کے عوض کم از کم 6 ہزار روپے فی روزہ ادا کرنے ہوں
گے۔