کورونا وائرس کے مریض کو چھونے والا پانی خطرناک ثابت ہوسکتا ہے، ماہرین کا انکشاف

کورونا وائرس نے جہاں پوری دنیا کو اپنی خوف کی لپیٹ میں لیا ہوا ہے تو دوسری جانب برطانوی ماہرین نے اس حوالے سے انکشاف ظاہر کیا ہے کہ کورونا سے متاثرہ شخص کے جسم کو چھونے والے پانی سے بھی وائرس پھیلنے کا خطرہ ہو سکتا ہے۔

سٹین فورڈ یونیورسٹی کے ماہرین نے انکشاف کیا ہے کہ کورونا وائرس پانی کے باعث پھیل سکتا ہے۔ تحقیق میں یہ بات بھی سامنے آئی کہ کورونا کے مریض کے جسم کو لگنے والے پانی میں جراثیم گھنٹوں تک زندہ رہتے ہیں۔

ایک رپورٹ کے مطابق بیت الخلا کے پانی سے کورونا وائرس پھیلنے کا خدشہ ہو سکتا ہے جس کی روک تھام کے لئے فوری اقدامات کرنا ضروری ہیں۔

طبی ماہرین کے مطابق جب وہ پیشاب کرتا ہے تو وائرس پانی میں شامل ہو جاتا ہے جو 17 دنوں تک زندہ رہنے کی صلاحیت بھی رکھتا ہے۔ رپورٹ میں یہ بھی انکشاف ہوا کہ متاثرہ شخص جب رفع حاجت کے بعد پانی استعمال کرتا ہے تو یہ بھی وائرس سے آلودہ ہو کر سیوریج میں شامل ہو جاتا ہے۔

تحقیقاتی ٹیم کی سربراہ الیگزینڈرا کا کہنا ہے کہ تحقیق کرنے پر ہمارے سامنے یہ بات آئی کہ کورونا وائرس سے متاثرہ شخص اگر پانی استعمال کرتا ہے تو یہ بہت سے افراد کے لئے خطرناک بات ثابت ہو سکتی ہے۔