یہ بات ہم سب کے علم میں ہے کہ کورونا وائرس کے پھیلاؤ کے سبب دنیا کے بیشتر ممالک میں لاک ڈاؤن کی صورتحال برقرار ہے جبکہ مساجد اور دیگر عبادت گاہوں کو بند کر دیا گیا ہے۔
دنیا بھر کے مسلمانوں کو یہ ہدایت کی گئی ہے کہ اپنے گھروں میں ہی نماز کی ادائیگی کا اہتمام کریں تاہم اسی سلسلے میں بھارتی کرکٹر عرفان پٹھان کی ایک ویڈیو سوشل میڈیا پر وائرل ہو رہی ہے۔
ویڈیو میں عرفان پٹھان کا کہنا ہے کہ 'یہ نہ سوچو کہ مسجدوں میں جانے سے منع کیا گیا ہے بلکہ یہ سوچو کہ ہر گھر کو مسجد میں تبدیل کرنے کو کہا گیا ہے'۔
کرکٹر نے کہا کہ 'ہماری طرح ہمارے گھر بھی گنہگار ہو چکے ہیں، آؤ گھروں کو صاف کرتے ہیں، کچھ دیر گھر میں ہی نماز پڑھتے ہیں'۔