پیٹرول کی بڑھتی ہوئی قیمتوں کو دیکھتے ہوئے ایک سوشل میڈیا صارف نے اخبار میں کچھ سال قبل شائع ہونے والے اشتہار کی تصویر سوشل میڈیا پر شیئر کر دی ہے۔ جس میں یہ تحریر ہے کہ اپنی سائیکل، اپنی سواری۔ الائیڈ بینک کی ایک نئی پیشکش۔
سائیکل قرضہ سکیم۔ یہی نہیں بلکہ اس اشتہار میں ایک سائیکل کی تصویر کے ساتھ۔
یہ بھی تحریر کیا گیا ہے کہ کم آمدنی والے حضرات کیلئے اپنی سواری حاصل کرنے کا نادر موقعہ۔حیرت کی بات تو یہ ہے جس نے سوشل میڈیا صارفین کو پریشان کر رکھا ہے کہ اشتہار کی سب سے آخری لائن میں یہ بھی تحریر ہے کہ صرف 100 روپے دیجئے باقی رقم ہم دیں گے لیکن آپکو سائیکل مل جائے گی۔
مزید یہ کہ تصویر شیئر کرتے ہوئے داؤد شفقت نامی اس صارف نے کہا کہ الائیڈ بینک نے موجودہ صورتحال کو دیکھتے ہوئے اپنی پرانی اسکیم دوبارہ اعلان کر دیا ہے۔
خیال رہے کہ یہاں 100 روپے سے مراد یہ ہے کہ شروعات میں 100 روپے ہر فرد کو دینے ہوں گے جس پر سائیکل تو مل جائے گی لیکن ہر مہینے کچھ رقم ضرور دینی ہوگی۔ اس تصویر پر سوشل میڈیا صارفین دلچسپ تبصرے کر رہے ہیں، آئیے دیکھتے ہیں۔