اکثر صبح تیار ہوتے ہوئے ہمیں پتا چلتا ہے کہ فلاں چیز ختم ہوچکی۔ ایسے میں بھاگ کر لانے کا تو وقت نہیں ہوتا اور مارے باندھے مجبوری میں ہی باہر جانا پڑتا ہے۔ اس آرٹیکل میں آپ کو ایسی چیزوں کے بارے میں بتایا جائے گا جو آپ کی 5 بڑی مشکلوں کو آسان کردیں گی۔

فیس واش

اگر فیس واش ختم ہوگیا ہے اور آپ کو لانا یاد ہی نہیں رہا تو پریشان مت ہوں۔ صرف تھوڑے سے بیسن کا لیپ چہرے پر کریں اور سادے پانی سے دھو لیں۔ نتائج دیکھ کر آپ فیس واش لانے کا ارادہ ہی ترک کردیں گے۔

باڈی اسپرے ختم ہوگیا ہے

اگر آپ کو زیادہ پسینہ آتا ہے اور باڈی اسپرے موجود نہیں تو بالٹی میں چند قطرے لیموں کے ملا لیں۔ نہانے کے بعد لیموں والا پانی جسم پر ڈال لیں اس سے زیادہ پسینہ آنے اور ناگوار بو کا مسئلہ کم ہوجائے گا۔

کنڈیشنر

شیمپو کے بعد کنڈیشنر بالوں کو نرم اور سلجھا ہوا بناتا ہے۔ کنڈیشنر کی عدم دستیابی کی صورت میں پانی میں چند قطرے سفید سرکہ ملائیں اور بال کھنگال لیں۔ یہ قدرتی کنڈیشنر بالوں کو حیران کن چمک دے گا۔

ماسک

اگر پارلر جانے کا وقت نہیں ہے تو تھوڑے سے لیموں کے رس میں چٹکی بھر ہلدی ڈالیں اور چہرے پر لیپ کرلیں۔ بیس منٹ بعد صاف پانی سے دھو لیں۔ یہ چہرے پر بلیچنگ ماسک کا کام کرے گا

کریم

اگر گریم یا لوشن موجود نہ ہو تو فکر کیکوئی بات نہیں۔ ناریل یا بادام کا تیل کریم کی طرح لگا لی۔ یا پھر دوچمچ ایلوویرا جیل میں چند قطرے وٹامن اے آئل ڈالیں اور تھوڑا سا بادام کا تیل ملا کر پیسٹ بنا لیں۔ یہ کریم کی طرح لگائیں۔ مہنگے لوشنز کو بھول جائیں گے