کبھی کسی دوسرے شہر یا اپنے ہی شہر کے ہوٹل میں رُکنے جائیں تو یہ دیکھنے میں آتا ہے کہ ہوٹل کے کمروں میں موجود چادر ،تکیے یہاں تک کہ پردے بھی سفید رنگ کے ہوتے ہیں۔
بہت کم ہوٹلوں میں ایسا ممکن ہو کہ بیڈ شیٹ، اور پردے دوسرے رنگوں کے لگائے جاتے ہوں ورنہ اکثر ہوٹلوں میں سفید رنگ کے کپڑوں کا استعمال کیا جاتا ہے۔ ایسا گھروں میں نہیں ہوتا کیونکہ مختلف رنگوں والی چادریں ، پردے اور تکیوں کے غلاف چڑھاتی ہیں، ہم اور آپ کے گھروں میں کچھ ایسا ہی ہوتا ہے۔
آج ہم اس حوالے سے جانیں گے کہ ہوٹل کے کمروں کی چادریں اور پردے سفید ہی کیوں ہوتی ہیں۔
الرجل میگزین میں شائع ہونے والی ایک رپورٹ کے مطابق سفید رنگ خوبصورت اور پاکیزگی کو ظاہر کرتا ہے اور نفسیاتی طور پر سکون و تحمل کا بھی احساس دلاتا ہے۔ سفید رنگ کے بارے میں کہا جاتا ہے کہ یہ حفاظت کا بھی احساس دلاتا ہے۔
یہ رنگ صفائی ستھرائی کے عمل اور گندگی کا پتا لگانے میں مدد فراہم کرتا ہے، آپ نے دیکھا ہوگا کہ اگر کسی سفید چادر پر کوئی معمولی سا داغ بھی موجود ہو تو واضح طور پر دکھائی دیتا ہے۔وہ صاف اور خستہ نظر آتے ہیں۔ کیونکہ بلیچنگ کے ذریع سفید کپڑوں والی چادروں پر سے داغ ہٹانا آسان ہوتا ہے۔
اگر آپ حیران ہیں کہ زیادہ اجلے اور سفید کیوں ہوتے ہیں تو اس کی وجہ یہ ہے کہ وہ الٹرا ساؤنڈ تکنیک استعمال کرتے ہیں جو ہلکی گندگی کو بھی ختم کرتی ہے۔
وائٹن اینڈ شیراٹن ہوٹلوں کی سابق نائب صدر “ایرن ہوور” نے سفید کپڑوں کا راز بتاتے ہوئے کہا کہ سفید رنگوں کے بستر سے انسان کا دماغ پرسکون محسوس کرتا ہے۔ لوگ سمجھتے ہیں کہ کمرے کی تزئین و آرائش کی گئی ہے اگرچہ صرف بستر کو ہی درست کیا گیا ہوتا ہے۔