میڈیا کی معروف شخصیت اور رُکن قومی اسمبلی عامر لیاقت حسین کی تیسری شادی ختم ہوئی تو ان سے چوتھی شادی کے لیے کئی خواتین نے خواہش کا اظہار کر دیا۔
اس سے قبل عامر لیاقت کی تیسری شادی ٹوٹنے کے بعد ان کی سابقہ اہلیہ دانیہ ملِک کی دوست علیزے نے ان کی چوتھی بیوی بننے کی خواہش کا اظہار کیا تھا جو بہت وائرل ہوا۔
اب ایک اور خاتون سامنے آئی ہیں جنہوں نے عامر لیاقت کی چوتھی اہلیہ بننے کی ٹھان لی ہے۔ خاتون کا نام عالیہ شاہ بتایا گیا ہے جنہوں نے 24 نیوز چینل کو حال ہی میں انٹرویو دیا ہے۔
عالیہ شاہ نے انٹرویو کے دوران عامر لیاقت سے شادی کرنے سے متعلق کہا کہ میں عامر لیاقت کو تب سے جانتی ہوں جب وہ خوبصورت، جوان تھے اور میں انہیں تب سے دیکھتی آرہی ہوں جب انہوں نے عالم آن لائن شروع کیا تھا۔
عالیہ شاہ نے کہا کہ میں عامر لیاقت کی تیسری شادی ٹوٹنے اور اُن کی گذشتہ ماہ لیک ہونے والے ویڈیوسے متعلق جانتی ہوں۔ ایسے لوگ معاشرے میں ہوتے ہیں، زیادتی کسی نے بھی نہیں کی لیکن مجھے نہیں لگتا کہ عامر لیاقت ایسے ہوسکتے ہیں۔
ایک سوال کے جواب میں عالیہ شاہ نے کہا کہ عامر لیاقت معصوم ہوسکتے ہیں۔ انہوں نے انٹرویو میں کہا کہ وہ میرے آئیڈیل ہیں مجھے ان کی شخصیت اچھی لگتی ہے۔ میرا ان سے کوئی بڑا مطالبہ نہیں ہے میں ان کے ساتھ پاک رشتے میں رہنا چاہتی ہوں۔
عالیہ نے کہا کہ آپ میرا پیغام ان تک پہنچا دیں ، لڑکیاں ان سے شادی کرنا چاہتی ہیں، انہیں دل چھوٹا کرنے کی ضرورت نہیں ہے۔
عامر لیاقت حسین سے چوتھی شادی کرنے کی خواہشمند خاتون عالیہ شاہ سے سوال کیا گیا کہ اُن سے اگر شادی ہوئی تو کتنا حق مہر لکھوائیں گی جس کے جواب میں انہوں نے کہا کہ کوئی حق مہر نہیں لکھواؤں گی۔
عامر لیاقت حسین کی جانب سے عالیہ شاہ کا انٹرویو خود اپنے سوشل میڈیا اکاؤنٹس پر شئیر کیا گیا ہے جس پر انہوں نے کیپشن بھی لکھا۔ عامر لیاقت نے لکھا کہ آپ کا شکریہ لیکن ایک تو اب میں یہاں نہیں رہتا، دوسرا آپ کہتی ہیں دل برداشتہ نہ ہوں اصل میں اب جھوٹ برداشت نہیں ہوتا۔ انہوں نے آخر میں لکھا کہ بہت سہے ہیں کوڑے تہمتوں کے جنہیں لائے تھے ہم زحمتوں سے۔