سوشل میڈیا پر دلچسپ ویڈیوز تو بہت سی دیکھی ہوں گی مگر کچھ ایسی ہوتی ہیں جو کہ سب کی توجہ حاصل کر لیتی ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
انڈونیشیاء کے شہر بالی کے ایک شخص کی ویڈیو ان دنوں سوشل میڈیا پر کافی وائرل ہے، عام طور پر ایسی ویڈیوز بہت کم دیکھنے کو ملتی ہیں۔
دراصل ویڈیو میں دکھائی دینے والا شخص فوٹوگرافر کومنگ ڈارماوان ایک ہوائی جہاز کے پر موجود ہیں، جبکہ جہاز کے پر پر کومنگ بڑے ہی آزادانہ انداز میں چہل قدمی کر رہے ہیں۔
بالی شہر کے نیانگ نیانگ ساحلی پٹی پر واقع اس خوبصورت منظر میں برسوں سے کھڑا ہوائی جہاز سیاحت کے لیے آنے والوں کے لیے رکھا گیا ہے، جس کا سیاح بخوبی فائدہ اٹھا رہے ہیں۔
ساحلی علاقے میں چلنے والی تیز ہواؤں کے جھونکوں میں جب اس پر پر کوئی چہل قدمی کرتا ہے تو خوف کا ایک الگ ہی سماء ہوتا ہے۔ ویڈیو کو سوشل میڈیا صارفین کی جانب سے بھی پسند کیا جا رہا ہے۔