دولہا اور دلہن کی مختلف ویڈیوز سوشل میڈیا پر وائرل ہوتی ہیں جن میں انہیں مہنگے لباس زیب تن کیے اور مہنگی انٹریاں کرتے دیکھ جاتا ہے، ساتھ ہی کھانوں میں وہ وہ چیزیں رکھی جاتی ہیں جن کا غریب کو تو معلوم بھی نہیں ہوتا۔
وہیں یہ بھی دیکھاجاتا ہے کہ دولہا مہنگی ترین اور چمکتی دھمکتی گاڑی میں بارات لے کر آتا ہے کہ دیکھنے والے مہمان بھی حیران رہ جاتے ہیں اور سوچتے ہیں کہ اس نے اپنی شادی میں بہت خرچہ کیا ہے۔
'ہماری ویب' ڈاٹ کام میں آپ کو ایک ایسے دولہا کے بارے میں بتانے جا رہے ہیں جس نے مہنگی بارات لانے کے ٹرینڈ کو نظر انداز کر دیا۔
ویڈیو میں دیکھا جا سکتا ہے کہ مذکورہ دولہا موٹر سائیکل پر اپنی دلہن کوبٹھا کر بیاہ کر لے جاتا ہے۔ شادی کی سادہ سی تقریب گھر میں منعقد ہوتی ہے۔
ویڈیو کی اسکرین پر بھی ایک خوبصورت پیغام لکھا ہے کہ نہ جہیز، نہ بارات، سادگی سے نکاح، سادگی سے شادی کرنے میں عزت کم نہیں ہوتی۔
دولہا کو بھی سادہ سی شلوار قمیض اور لال رنگ کے واس کوٹ میں دیکھا جا سکتا ہے۔اس ویڈیو کو سوشل میڈیا پر ہزاروں لوگ دیکھ چکے ہیں۔
شادی کو مشکل نہیں بلکہ آسان بنائیں کے نعرے پر عمل کر کے مشکلات کو آسان کیا جا سکتا ہے۔