کرکٹ کے مداح اس وقت ایک اور زبردست سیریز کے منتظر ہیں۔ جی ہاں اس وقت ایشیا کپ کے حوالے سے خبریں کافی گرم ہیں۔ اس سیریز کی سب سے اہم بات یہ ہے کہ اس میں 2 روایتی حریف پاکستان اور بھارت بھی آمنے سامنے ہوں گے۔ البتہ پاکستان میں آ کر میچز کھیلنے سے بھارتی کرکٹ بورڈ کو شدید تخفظات ہیں۔
بھارتی کرکٹ بورڈ کا اعلان
بھارتی کرکٹ بورڈ آفیسشل کے نئے اعلان کے مطابق وہ پاکستان آ کر میچ نہ کھیلنے کے اپنے فیصلے پر قائم ہیں۔ ان کا کہنا ہے کہ پاکستان اپنے میچز دبئی یا قطر آ کر کھیل سکتا ہے۔ جبکہ یہ بھی کہا کہ دو ممالک میں میچز کروانے سے ایشین کرکٹ کونسل کا بجٹ بڑھ جائے گا یہ مالی طور پر ممکن نہیں ہے۔
پاکستان کے لئے وینیو نہیں تبدیل کیا جائے گا
بھارتی میڈیا کے دعوے کے مطابق آئی سی سی (انٹرنیشنل کرکٹ بورڈ) نے پاکستان کے میچز انڈیا کے علاوہ کسی ملک میں منعقد کرنے سے انکار کردیا ہے۔ ان کا کہنا ہے کہ اگر پاکستان سیمی فائنل یا فائنل تک پہنچتا ہے تو وینیو تندیل نہیں کیا جائے گا۔ واضح رہے کہ ایشیا کپ ستمبر 2023 میں کھیلا جائے گا۔