آج کے اس نفسا نفسی کے دور میں جہاں انسان، انسان کا بھلا کرنے کا نہیں سوچتا وہاں کسی جانور کی مدد کرنا تو بہت دور کی بات ہے۔ پر یہ بھی حقیقت ہے کہ ہر انسان ایک جیسا نہیں ہوتا، کوئی برا ہے تو کوئی اچھا بھی ہے، اور اس بات کو جھٹلایا نہیں جاسکتا ہے۔
جیسے ان بزرگ کو ہی دیکھ لیا جائے، کیسے یہ ایک بے زبان جانور کی مدد کر رہے ہیں۔۔ آپ بھی دیکھیں ویڈیو
اس خوبصورت ویڈیو میں دیکھا جاسکتا ہے کہ ایک بلی چھجّے کے اوپر پھنسی ہوئی ہے اور نیچے آنے سے گھبرا رہی ہے کہ کہیں وہ گر کر زخمی نہ ہوجائے۔ ایسے میں وہاں کرسی پر بیٹھے بزرگ شخص نے حاضر دماغی کا مظاہرہ کرتے ہوئے اپنی کرسی اوپر اٹھائی تا کہ بلی اس پر چھلانگ لگا کر باآسانی نیچے آسکے، اور بلی نے بھی عقلمندی کا ثبوت دیتے ہوئے ایسا ہی کیا اور باحفاظت نیچے آگئی۔
آج کل اس طرح کے رحمدل لوگ کم ہی دیکھنے کو ملتے ہیں، اسلیئے جب یہ ویڈیو سوشل میڈیا پر آئی تو لوگوں نے اسے بہت پسند کیا اور بزرگ شخص کے اس عمل کو خوب سراہا۔