بشریٰ انصاری ملک کی معروف اداکارہ اور گلوکارہ ہیں جن کو نہ صرف پاکستانی بلکہ بھارتی عوام بھی خوب پسند کرتی ہے۔ ان کا انداز، ان کا مزاج، ان کا ڈانس سب ہی ہر کسی کو خوب بھاتا ہے۔ یہ ہر وہ فن جانتی ہیں کہ کیسے لوگوں کو اپنی جانب متوجہ کروانا ہے۔ اداکاری بے مثال، کسی مداح سے ملتی ہیں تو بالکل ایسے جیسے مدتوں سے جانتی ہوں۔ ان کی یہی دوستانہ طبیعت ہر کسی کو اچھی لگتی ہے۔ لیکن جہاں بات نجی زندگی، طلاق یا دوسری شادی کی ہو اس پر اعتراضات بھی اٹھائے جاتے ہیں جبکہ کوئی نہیں جانتا کون اصل زندگی میں کیا جنگ لڑ رہا ہے۔
گذشتہ دنوں بشریٰ انصاری نے بتایا کہ وہ طلاق سے قبل 10 سال تک شوہر سے علیحدہ رہیں لیکن کسی کو خبر نہ دی اور پھر طلاق کے کچھ عرصے بعد انہوں نے دوسری شادی کی جس کے متعلق وہ کھل کر واضح نہیں بتاتی ہیں۔ البتہ معروف تجزیہ نگار حسن نثار نے اس پر بات کرتے ہوئے بڑا انکشاف کیا اور کہا کہ
میں بشریٰ کو سائیکل پر لیے پھرتا رہتا تھا، بشری مجھ سے کچھ سال چھوٹی ہے، اس نے جو کیا بالکل ٹھیک کیا۔ اس نے طلاق سے قبل 10 سال الگ گزارے اور دوسری شادی کے لیے بھی بہت انتظار کیا۔ اس نے جو کیا بالکل ٹھیک کیا کیونکہ اگر والدین میں علیحدگی ہو جائے تو اس کا نقصان اولاد کو ہوتا ہے بشریٰ نے عقل مندی سے کام لیا اپنے بچوں کی خاطر، ان کو سمجھ بوجھ والا بنایا اس کے بعد اپنی زندگی میں اپنے لیے دوسری شادی کا فیصلہ کیا جو عقل والوں کے لیے بہت زبردست فیصلہ ہے۔