امریکہ میں انتخابی مہم چلانے والے عرب اور مسلمانوں کا دعویٰ ہے کہ وہ زیادہ سے زیادہ ڈیموکریٹک ووٹرز کو قائل کرنے میں کامیاب ہو گئے ہیں کہ آئندہ انتخابات میں صدر جو بائیڈن کی حمایت نہ کریں۔
خبر رساں ادارے عرب نیوز کے مطابق ریاست وسکونسن میں حالیہ ڈیموکریٹک صدارتی پرائمری انتخاب میں 48 ہزار 98 افراد نے ’انرِسٹرکٹڈ‘ ووٹ ڈالا ہے یعنی بیلٹ پیپر پر انہوں نے جو بائیڈن یا ان کے حریف ڈین فلپ میں سے ایک کا بھی انتخاب نہیں کیا۔ڈیموکریٹس کے لیے اہم سمجھی جانے والی ریاست وسکونسن میں ہونے والے پرائمری انتخابات کے حتمی نتائج بدھ کو سامنے آئے۔ان تنائج میں 8.3 فیصد ووٹرز نے انرِسٹرکٹڈ ووٹ ڈالا جبکہ جو بائیڈن کے حق میں پانچ لاکھ 10 ہزار 450 ووٹ آئے جو کل ووٹس کا 88.6 فیصد ہیں۔جو بائیڈن کی حمایت ترک کرنے کے حوالے سے چلنے والی مہم کے ترجمان حسن عبدالسلام نے عرب نیوز کو بتایا کہ ’سال 2020 میں بائیڈن نے وسکونسن سے تقریباً 20 لاکھ ووٹ جیتے جبکہ منگل کو ہونے والے پرائمری انتخابات میں بائیڈن کی مخالفت میں 50 ہزار ووٹ پڑے۔‘انہوں نے بتایا کہ جو بائیڈن کے خلاف یہ مہم وسکونسن سمیت نو ’سووِنگ‘ ریاستوں میں چلائی گئی ہے یعنی وہ ریاستیں جن میں دونوں جماعتوں ڈیموکریٹک یا ریپبلیکن کے نمائندوں کو فتح حاصل ہو سکتی ہے۔جو بائیڈن کی مخالفت میں چلنے والی یہ مہم ڈیموکریٹک پرائمری انتخابات کے دوران ریاست میشیگن اور مینیسوٹا میں فروری اور مارچ میں چلائی گئی تھی۔ اس کے بعد سے یہ مزید ریاستوں میں ہونے والے پرائمری انتخابات کے دوران چلائی جاتی رہی ہے۔عرب اور مسلمان کمیونٹی نے اہم ریاستوں میں جو بائیڈن کے خلاف انتخابی مہم چلائی ہوئی ہے۔ فوٹو: اے ایف پیترجمان حسن عبدالسلام نے بتایا کہ اس مہم کو متعدد مقامی اور قومی سطح پر کام کرنے والے گروپس اور شراکت داروں کی حمایت حاصل ہے جو مختلف طبقات سے تعلق رکھتے ہیں لیکن جنگ بندی کے مطالبے پر متحد ہیں۔جو بائیڈن کو صدر کے لیے ڈیموکریٹک پارٹی کی نامزدگی حاصل کرنے کے لیے ابتدائی عمل کے دوران پہلے ہی کافی ریاستوں میں فتح حاصل ہو چکی ہے۔ تاہم اگر جو بائیڈن کی مخالفت میں چلائی گئی مہم نومبر میں ہونے والے صدارتی انتخابات تک اسی طرح جاری رہی تو ان کے دوبارہ صدر منتخب ہونے کے امکانات متاثر ہو سکتے ہیں۔چار جون تک متعدد پرائمری انتخابات ہونا باقی ہیں جب ریاست نیو جرسی میں بھی ووٹرز اپنا حق رائے دہی استعمال کریں گے۔ نیو جرسی اس حوالے سے بھی اہم ہے کہ یہاں عرب اور مسلمانوں کی ایک بڑی آبادی رہتی ہے جو ہر باقاعدگی سے ووٹ ڈالتے ہیں۔