ماسکو ۔2مئی (اے پی پی):شام نے روسی شہریوں کے لیے الیکٹرانک ویزا متعارف کرا دیا۔ تاس کے مطابق روس کے دارالحکومت ماسکو میں شامی سفارت خانے بتایا کہ ان کے ملک نے روسی شہریوں کے لیےالیکٹرانک انٹری ویزا متعارف کرایا ہے اور ہم اس خبر کی تصدیق کرتے ہیں ۔
انہوں نے وضاحت کی کہ ایک متعلقہ پلیٹ فارم آن لائن ویزا جاری کرے گا جس سے سفارت خانے یا قونصل خانے جانے کی ضرورت ختم ہو جائے گی، جائزہ لینے کا وقت 72 گھنٹے تک ہے۔قبل ازیں شام کے وزیر سیاحت محمد رامی رادوان مارٹینی نے داخلے کو آسان بنانے کے لیے ای ویزا متعارف کرانے کا اعلان کیا تھا۔