قدیم تہذیبوں میں رنگ و روغن، میک اپ اور رسومات میں استعمال ہونے والا سندور جو در حقیقت زہریلا ہے

خوبصورت اور خطرناک، سندور کی ابتدا کا سبب بننے والے قدرتی عوامل میں آتش فشاں پھٹنا شامل ہے۔ سندور چٹانوں میں رہ جانے والی دراڑوں کو بھرتا ہے، جس سے وہاں پرکشش سرخ رگیں بنتی ہیں جنھوں نے ہزاروں سالوں سے اسے دریافت کرنے والوں کو مسحور کر رکھا ہے۔

یہ معدنیات ان تمام جگہوں پر موجود ہے جہاں آتش فشاں موجود ہیں یا رہے ہیں۔

درحقیقت یہ ان چند معدنیات میں سے ایک ہے جسے دنیا کے بہت سے حصوں میں قدیم لوگوں نے دریافت، پروسیس اور آزادانہ طور پر استعمال کیا۔

سندور کو آسانی سے ایک باریک پاؤڈر میں پیسا جاسکتا تھا جو مختلف مائع کے ساتھ مل کر مختلف قسم کا پینٹ بن جاتا تھا۔

اس کے علاوہ، یہ پارے کی اہم دھات تھا اور اب بھی ہے۔

یہی مسئلہ ہے کہ بھاری دھات کے ساتھ اس کے تعلق نے سندور کو انتہائی قابل قدر چیز سے ایک حقیر بنا دیا۔

لیکن ایسا ہونے سے پہلے اس نے دنیا کے متعدد حصوں میں حیرت انگیز نشان چھوڑے۔ ایک رنگ کے طور پر سندور نے چمکدار نارنجی سرخ سے لے کر ہلکے سرخ رنگ وائلٹ تک کے رنگ دیے۔

تقریبا 10000 سال پہلے فنکاروں نے اس کا استعمال اب معدوم ہونے والے دیوہیکل مویشیوں اور بیلوں کی تصاویر کو جو ترکی میں اتالہوک کی قدیم بستی کی دیواروں پر نقش ہیں اور چین میں یانگشاو ثقافت ( 3000 سے 5000 قبل مسیح ) کے سیرامکس پر پینٹ کرنے کے لیے کیا تھا۔

اس براعظم پر جسے یورپی امریکہ کہتے ہیں مقبروں، میورلز، ماسک، زیورات اور اینڈین علاقے اور میسوامریکہ کی ثقافتوں میں پائی جانے والی قیمتی دھاتوں میں سندور ملتا ہے۔

سپین میں سیوڈ ریال جہاں مشہور المدین کانیں ہیں اور جہاں صدیوں سے دنیا میں پارے کی سب سے بڑی مقدار نکالی جاتی ہے، وہاں یہ رنگ6000 قبل مسیحمیں پایا گیا۔

صدیوں بعد امیر قدیم رومیوں نے اپنی دیواروں کو جس گہرے سرخ رنگ سے پینٹ کیا تھا، ان میں سے زیادہ تر المدین سے آئے تھے اور ان کی قیمت قیمتی مصری نیلے رنگ سے تین گنا زیادہ تھی۔

بعد کے زمانوں میں سندور کو دستاویزات کی تصدیق کے لیے موم کی مہروں میں استعمال کیا جاتا تھا۔

یورپ نے برسوں تک چین سے سندور درآمد کیا، کیونکہ اسے زیادہ خوبصورت اور خالص سمجھا جاتا تھا۔

خود چین میں اس رنگ کو تاریخی طور پر ثقافت میں ایک خاص مقام حاصل رہا ہے اور ممنوعہ شہر جیسے اہم مقامات کی دیواروں کو رنگنے کے علاوہیہ بہت ساری اشیا میں موجود ہے ، خاص طور پر تراشی ہوئی چینی آرائشی اشیا میں۔

بہت زیادہ خوبصورت

آرائشی اشیا میں سندور کے استعمال کے علاوہ، آرٹ، ٹیٹو، میک اپ اور قرون وسطی میں سیاہی لکھنے کے طور پر اسے استمعال کیا گیا۔ اس کے علاوہ بہت سی ثقافتوں میں سندور کو ادویاتی، میٹالرجیکل اور علامتی مقاصد کے لیے بھی استعمال کیا جاتا تھا۔

اس میں کچھ غیر معمولی خصوصیات تھیں۔ جیسا کہ یونانی فلسفی تھیوفرسٹس نے لکھا ہے ’جب تانبے کے مارٹر میں اسے سرکےکے ساتھ کچل دیا جاتا ہے تو یہ مائع چاندی دیتا ہے۔ (ایسا پارے کو قدیم طور پر کہا جاتا تھا)۔‘

لیکن اس سے بھی زیادہ عجیب بات یہ تھی کہ جب اسے بھٹی میں گرم کیا گیا تھا، کچھ ایسا جو ہزاروں سالوں سے کیا جارہا ہے۔

رومی مصنف پلینی دی ایلڈر نے اپنی ’نیچرل ہسٹری‘ میں لکھا ہے کہ پارہ عظیم دھات کے سونے کو تحلیل کر دیتا ہے۔

انضمام کا یہ عمل صدیوں میں سونے کی تطہیر کے اہم طریقوں میں سے ایک ہے۔

ومیوں نے ایک سال میں پانچ ٹن پارہ درآمد کیا اور اس کا زیادہ تر حصہ اس مقصد کے لیے استعمال کیا گیا۔

پارے اور دھات کی اس آمیرش کو سنہری اشیا بنانے کے لیے استعمال کیا جاتا تھا انھیں بھٹی میں رکھا جاتا تھا تاکہ پارہ غائب ہوجائے اور خالص ترین سونے کی چمکدار پرت ظاہر ہوجائے۔

کچھ نے دریافت کیا تھا کہ وہ پارے اور سلفر کو گرم کرکے سندور پیدا کرسکتے ہیں۔ کیمیا دان اینڈریا سیلا نے بی بی سی کے ایلیمنٹ سیریز میں لکھا ہے کہ سندور کو پارے میں تبدیل کیا جا سکتا ہے اور اسے دوبارہ سندور میں تبدیل کیا جا سکتا ہے، یہ بظاہر ناقابل بیان گردشی عمل تھا جو کچھ لوگوں کے لیے جسم کے جی اٹھنے سے ملتا جلتا تھا، یہی وجہ ہے کہ اسے خصوصی اختیارات دیے گئے تھے۔

چینی سلطنت میں ، شہنشاہوں نے زندگی کو طول دینے اور امریت حاصل کرنے کے لیے سندور کا استعمال کیا۔ اور آج تک تقریبا 40 روایتی ادویات موجود ہیں جن میں سندور شامل ہے۔ مشرق وسطیٰ سے لے کر لاطینی امریکہ تک یہ دعائیہ رسموں اور تدفین میں بھی استعمال کیا جاتا تھا۔

ہندو عورتیں شادی شدہ ہونے کی علامت کے طور پر اپنی مانگ میں سندور لگاتی تھیں۔ اس کا تعلق ہندو علم نجوم سے ہے، جس میں برج یا میشا راشی کا گھر ماتھے پر ہوتا ہے اور اسے مبارک سمجھا جاتا ہے۔

سندور کو شکتی کی نسوانی توانائی کی علامت بھی سمجھا جاتا ہے۔

یہ رسمآج بھی جاری ہے، لیکن سندور کی جگہ دوسرے محفوظ اجزا نے لے لی ہے۔

سندور کی قسمت یہی رہی ہے پارے کے ساتھ اس کے زہریلے تعلق نے اسے تاریخ سے باہر نکال دیا۔

جیمولوجیکل انسٹی ٹیوٹ آف امریکہ میوزیم کے کیوریٹر ٹیری اوٹاوے جیسے ماہرین نے وضاحت کی ہے کہاپنی قدرتی شکل میں سندور خطرناک نہیں ہے۔ تاہم جب درجہ حرارت بڑھتا ہے تو پارے کے بخارات خارج ہوتے ہیں جو سانس لینے پر زہریلا ہوتا ہے۔

اوٹاوے نے ہاؤ سٹف ورکس کو بتایا کہ ’جب تک سندور گرم نہیں ہوتا، پارہ سلفر میں پھنسا رہتا ہے، جس کی وجہ سے سندور کم زہریلا ہوتا ہے۔‘

یونیورسٹی آف کاسٹیلا-لا منچا کے انسٹی ٹیوٹ آف اپلائیڈ جیولوجی سے تعلق رکھنے والے پابلو ہیگورس، جوس ماریا ایسبری اور ایوا ایم گارسیا نوگوئرو اس بات پر متفق ہیں کہ یہ سندوراجزاء کی میٹالرجیکل علیحدگی ہے جو صحت کو خطرے میں ڈالتی ہے۔

اور وہ مزید کہتے ہیں کہ معدنیات بالواسطہ طور پر غیر صحت مند اثرات کے لیے ذمہ دار ہونے کی ایک اور وجہ ہے ’سندور کے ساتھ دھاتی پارے کے قطرے ملنا عام ہے۔‘

ویسے بھی چھوٹے پیمانے پر کان کنی کے علاوہ سندور کا استعمال بھی ختم ہوتا جا رہا ہے اور جو لوگ اس کے ساتھ کام کرنے پر مجبور ہیں، جیسے آثار قدیمہ کے ماہرین، احتیاط کے ساتھ ایسا کرتے ہیں۔

سندور، جو دنیا میں سب سے زیادہ استعمال ہونے والے سرخ رنگ اور سب سے زیادہ متحرک سرخ رنگ کے طور پر چھایا ہوا ہوتا تھا، اسے 20 ویں صدی کے اوائل میں سرخ کیڈمیم کی دریافت کے ساتھ اپنا تاج چھوڑنا پڑا۔

• جنگ، تعمیرات اور شعبدہ بازی میں استعمال ہونے والا وہ زہریلا مادہ جو کبھی موتیوں سے مہنگا تھا
• خبردار! یہ پانچ کھانے آپ کی جان بھی لے سکتے ہیں
• انڈیا کے لیے سونا، پاکستانی کسان کے لیے خاک کیوں؟
• ’موت کی شاہراہ‘: دنیا کی خطرناک ترین سڑک جہاں غلطی کی کوئی گنجائش نہیں
• تیل کے بعد وہ قیمتی ٹیکنالوجی جس پر چین اور امریکہ لڑ رہے ہیں مگر امریکہ یہ ’جنگ‘ کیسے جیت رہا ہے؟