اسلام آباد۔22مئی (اے پی پی):وزیر اعظم محمد شہباز شریف ایرانی صدر ڈاکٹر سید ابراہیم رئیسی اور ان کے رفقا کی ہیلی کاپٹر حادثہ میں شہادت پر تعزیت کےلئے ایران جائیں گے۔دفتر خارجہ کی جانب سے بدھ کو جاری بیان کے مطابق وزیر اعظم شہباز شریف کے ہمراہ نائب وزیر اعظم و وزیر خارجہ اسحاق ڈار اور کابینہ کے ارکان بھی ہوں گے۔وزیر اعظم ایران کے سپریم لیڈر آیت اللہ خامنہ ای اور قائم مقام صدر ڈاکٹر محمد مخبرسے ملاقات کریں گے اور ایرانی صدرڈاکٹر سید ابراہیم رئیسی ،وزیر خارجہ حسین امیر عبداللہیان اور دیگر کی 19 مئی کو ہیلی کاپٹر حادثہ میں شہادت پر پاکستان کے عوام اور حکومت کی جانب سے تعزیت کریں گے