چین سے تعلق بیڈمنٹن کھلاڑی کھیل کے دوران اچانک دل کا دورہ پڑنے کے باعث موت کا
شکار بن گئے-
17 سالہ چینی کھلاڑی ژانگ ژی انڈونیشیا کے صوبے یوگیکارتا میں ہونے والے ایشیائی
بیڈمنٹن ٹورنامنٹ کے دوران اچانک گر کر ہلاک ہوگئے-
انڈونیشین بیڈمنٹن فیڈریشن کا کہنا ہے کہ ژانگ ژی کا مقابلہ گزشتہ اتوار کو جاپان
کے کازوما کاوانو سے تھا۔
چینی کھلاڑی کو گرنے کے بعد اسپتال لے جایا گیا جہاں ڈاکٹروں نے اس کی موت کی تصدیق
کر دی۔
دیگر کھلاڑیوں اور چند مشہور شخصیات کی جانب سے نوجوان کھلاڑی کی اچانک موت پردکھ
اور افسوس کا اظہار کیا جارہا ہے۔
غیرملکی میڈیا کے مطابق ژانگ ژی اپنے مختصر سے کیریئر کے دوران کئی چیمپئن شپس جیت
چکے تھے۔